ઓસ્ટ્રેલિયા સામેની સીરીઝ પહેલા કિંગ કોહલી નવી હેરસ્ટાઈલમાં જોવા મળ્યો, જુઓ ફોટા
ટીમ ઈન્ડિયાના પૂર્વ કેપ્ટન પોતાની સ્ટાઈલને કારણે હંમેશા ચર્ચામાં રહે છે. ખાસ કરીને તે પોતાની હેરસ્ટાઈલને લઈને કંઈકને કંઈક કરતો રહે છે, તે પણ કોઈપણ સિરીઝની શરૂઆત પહેલા. ફરી એકવાર એવું જ બન્યું છે જ્યારે ઓસ્ટ્રેલિયા સામેની 3 T20 શ્રેણી પહેલા વિરાટ નવા લુકમાં જોવા મળશે. તેની આ નવી હેરસ્ટાઇલે બધાનું ધ્યાન ખેંચ્યું છે. કોહલીના આ નવા લૂકની ઘણી તસવીરો સામે આવી છે. તસવીરો સેલિબ્રિટી હેરસ્ટાઈલિસ્ટ રાશિદ સલમાનીએ શેર કરી છે, જેમણે તસવીરોને કેપ્શન આપ્યું છે કે તેણે કોહલીને નવો લુક આપ્યો છે. આ પોસ્ટ પર અનેક સેલિબ્રિટીઓએ પોતાની પ્રતિક્રિયા આપી છે. જાણીતા ગાયક હાર્ડી સંધુએ લખ્યું છે ‘છા ગયે ગુરુ.’ એક પ્રશંસકને જવાબ આપતા કોહલીને હોટ કહ્યો છે.
Virat Kohli gets a stylish haircut ahead of T20 World Cup
Read @ANI Story | https://t.co/UmIpnn4wnj#Kohli #ViratKohli #T20WorldCup #KohliHaircut pic.twitter.com/Z74jJ5XlCq
— ANI Digital (@ani_digital) September 18, 2022
કિંગ કોહલી નવી હેરસ્ટાઈલમાં
કોહલીની વાત કરીએ તો એશિયા કપ બાદ તમામની નજર તેની બેટિંગ પર છે. જે આગામી T20 વર્લ્ડ કપમાં ભારત માટે એક્સ ફેક્ટર સાબિત થઈ શકે છે. કોહલી એશિયા કપ પહેલા પોતાના ફોર્મ સાથે સંઘર્ષ કરી રહ્યો હતો પરંતુ તેણે એશિયા કપમાં 3 વર્ષ બાદ 2 અડધી સદી અને એક સદી સાથે શાનદાર વાપસી કરી હતી. તેણે અફઘાનિસ્તાન સામેની મેચમાં ઓપનિંગ કરતી વખતે 61 બોલમાં 122 રનની વિસ્ફોટક ઇનિંગ રમી હતી.
View this post on Instagram
ઓસ્ટ્રેલિયા સામેની સિરીઝ
વર્લ્ડ કપ પહેલા ભારતીય ટીમે 6 T20I મેચ રમવાની છે. તેણે ઓસ્ટ્રેલિયા સામે 3 T20I મેચ રમવાની છે જ્યારે બાકીની 3 T20I મેચ દક્ષિણ આફ્રિકા સામે રમવાની છે. ઓસ્ટ્રેલિયા સામે સીરીઝની પ્રથમ મેચ 20 સપ્ટેમ્બરે મોહાલીમાં રમાશે.
ઓસ્ટ્રેલિયા સામેની સિરીઝમાં ભારતીય ટીમ
રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, દીપક હુડા, ઋષભ પંત (વિકેટમેન), દિનેશ કાર્તિક (વિકેટમેન), હાર્દિક પંડ્યા, આર. અશ્વિન, યુઝવેન્દ્ર ચહલ, અક્ષર પટેલ, ભુવનેશ્વર કુમાર, ઉમેશ યાદવ, હર્ષલ પટેલ, દીપક ચાહર, જસપ્રિત બુમરાહ.
