અભિનેત્રી રોઝલિને હિના ખાન પર લગાવ્યો કેન્સર સાથે જોડાયેલી ખોટી જાણકારી ફેલાવવાનો આરોપ
- અભિનેત્રી અને બ્રેસ્ટ કેન્સર સર્વાઈવર રોઝલિન ખાને હિના પર સહાનુભૂતિ અને લોકોનું ધ્યાન પોતાની તરફ ખેંચવા જેવા આરોપો લગાવ્યા છે
21 જાન્યુઆરી, મુંબઈઃ ટીવીની લોકપ્રિય અભિનેત્રી હિના ખાન સ્ટેજ 3 બ્રેસ્ટ કેન્સર સામે લડી રહી છે. અભિનેત્રી સતત તેની કેન્સર જર્ની અને સારવારની પ્રક્રિયા સોશિયલ મીડિયા પર ચાહકો સાથે શેર કરે છે. ફેન્સ અને સેલેબ્સે કેન્સર જેવા મુશ્કેલ સમયમાં તેની હિંમતની પ્રશંસા કરી છે. લોકો સોશિયલ મીડિયાના કોમેન્ટ સેક્શનમાં કોમેન્ટ કરીને તેને પ્રોત્સાહિત કરતા જોવા મળ્યા છે. તાજેતરમાં અભિનેત્રીએ જણાવ્યું હતું કે તેની સર્જરીમાં 15 કલાકનો લાંબો સમય લાગ્યો હતો. હવે હિનાના આ દાવાઓને અભિનેત્રી અને બ્રેસ્ટ કેન્સર સર્વાઈવર રોઝલિન ખાને ખોટા ગણાવ્યા છે. તેમજ હિના પર સહાનુભૂતિ અને લોકોનું ધ્યાન પોતાની તરફ ખેંચવા જેવા આરોપો પણ લગાવવામાં આવ્યા છે.
રોઝલિને દાવો કર્યો છે કે હિના ખાન તેની બીમારી વિશે ખોટી અને ભ્રામક માહિતી ફેલાવી રહી છે. રોઝલિને સોશિયલ મીડિયા પર તીખી પ્રતિક્રિયા આપતા કહ્યું કે હિનાનું પગલું માત્ર સહાનુભૂતિ અને ધ્યાન આકર્ષિત કરવા માટે હતું. અભિનેત્રીએ તેની ઈન્સ્ટાગ્રામ સ્ટોરી પર લખ્યું, ‘સેલિબ્રિટીઓને પોતાની જાત પર શરમ આવવી જોઈએ કે તેઓ કેન્સર જેવા ગંભીર વિષય પર ખોટી માહિતી ફેલાવી રહ્યા છે. મિત્રો, કૃપા કરીને એવા લોકોને સમર્થન ન આપો કે જેમણે 5મી ડિસેમ્બરે સર્જરીનો ફોટો પોસ્ટ કર્યો હતો અને પછી 21મી ડિસેમ્બરે પ્રવાસ કર્યો હતો અને હવે દાવો કર્યો કે તે માસ્ટેક્ટોમી હતી? માફ કરશો, પરંતુ આ માનવીય રીતે શક્ય નથી. સમાચારોમાં રહેવા માટે કેન્સર જેવી જીવલેણ બીમારીનો ઉપયોગ કરી રહી છે આ અભિનેત્રી! તે તમને પ્રોત્સાહિત નથી કરતી, તે ફક્ત તેના પીઆર પ્લાનિંગ મુજબ પોસ્ટ કરી રહી છે! તમારા પ્રિયજનોની કાળજી લો અને તમારા ઓન્કોલોજિસ્ટની સલાહને અનુસરો. આ પોસ્ટમાં અભિનેત્રીએ હિના ખાન લખ્યું છે.
રોઝલિને લખ્યું, ‘એક કેન્સર સર્વાઈવર તરીકે હું જાણું છું કે આ લડાઈ કેટલી મુશ્કેલ છે, પરંતુ ખોટી માહિતી ફેલાવીને લોકોની ભાવનાઓ સાથે રમત કરવી યોગ્ય નથી. તેણે કહ્યું કે આવા દાવાઓ કેન્સર સામે લડતા અન્ય દર્દીઓને ગેરમાર્ગે દોરી શકે છે. આ આરોપો પર હિના ખાન તરફથી હજુ સુધી કોઈ પ્રતિક્રિયા આપવામાં આવી નથી.
આ પણ વાંચોઃ શું હેરી પોટરનો હીરો પણ મહાકુંભમાં આવ્યો છે? વીડિયો જોશો તો તમે પણ કહેશો…અરે આ તો
હિના ખાનને થોડા મહિનાઓ પહેલા સ્ટેજ 3 બ્રેસ્ટ કેન્સર હોવાનું નિદાન થયું હતું. ત્યારબાદ તેની સારવાર ચાલી રહી છે. તેણે પોતાની સોશિયલ મીડિયા પોસ્ટ દ્વારા જણાવ્યું કે શરૂઆતના લક્ષણો બાદ તેણે ડોક્ટર સાથે વાત કરી, જ્યાં તપાસ દરમિયાન કેન્સરની જાણ થઈ હતી. હિનાએ આ મુશ્કેલ સમયમાં પોઝીટીવ રહેવા વિશે અને તેની કેન્સર જર્ની વિશે વાત કરી હતી.
