જાણીતી અભિનેત્રીનું નિધન, 96 વર્ષની ઉંમરે લીધા અંતિમ શ્વાસ

કેરળ, 18 ઓકટોબર : પ્રેમ નઝીરની પહેલી ફિલ્મ ‘મારુમકલ’ની જાણીતી અભિનેત્રી નેયતિંકારા કોમલમ ઉર્ફે કોમલા મેનનનું નિધન થયું છે. તેમ ફિલ્મોમાં અનેક પ્રકારના પાત્રોથી હેડલાઈન્સ બનાવી હતી. તેમના નિધનથી દક્ષિણ ફિલ્મ ઉદ્યોગને મોટો ફટકો પડ્યો છે. હૃદય સંબંધિત બિમારીઓને કારણે તેમણે 96 વર્ષની વયે અંતિમ શ્વાસ લીધા હતા.

નેયતિંકારા કોમલમનું નિધન
મલયાલમ સિનેમાની પ્રથમ અભિનેત્રીઓમાંની એક નેયતિંકારા કોમલમનું ગુરુવારે રાત્રે 17 ઓક્ટોબરે 96 વર્ષની વયે અવસાન થયું. તેમને 15 ઓક્ટોબરના રોજ કાર્ડિયાક બિમારીના કારણે કેરળના પરસાલા શહેરની એક ખાનગી હોસ્પિટલમાં દાખલ કરવામાં આવ્યા હતા. નેયતિંકારા કોમલમે ગઈકાલે સ્વાસ્થ્ય સમસ્યાઓના કારણે અંતિમ શ્વાસ લીધા હતા. દરમિયાન, કોમલા મેનનએ થોડા વર્ષો પહેલા તેના પતિ એમ. ચંદ્રશેખર મેનનને ગુમાવ્યા હતા અને અભિનેત્રી વય-સંબંધિત બિમારીઓને કારણે તેમના કેટલાક સંબંધીઓ સાથે રહેતા હતા.

பழம்பெரும் மலையாள திரைப்பட நடிகை நெய்யாற்றங்கரை கோமளம் தனது 96வது வயதில் இன்று காலமானார். மருமகள் திரைப்படத்தில் மறைந்த பிரபல நடிகர் பிரேம் நசீருக்கு ஜோடியாக நடித்து புகழ் பெற்ற கோமளம், வனமாலா, ஆத்மசாந்தி உட்பட பல்வேறு படங்களில் நடித்துள்ளார். #NeyyattinkaraKomalam pic.twitter.com/JU1kMZu71t

— Idam valam (@Idam_valam) October 17, 2024

કોમલા મેનન, જેનો જન્મ પંકજક્ષા અને કુંજીયમ્માને થયો હતો. 1951 માં તેમણે જી. વિશ્વનાથ દ્વારા નિર્દેશિત ‘વનમાલા’થી અભિનય કારકિર્દીની શરૂઆત કરી હતી. 1952માં પ્રેમ નઝીરની પહેલી ફિલ્મ ‘મારુમકલ’માં મુખ્ય ભૂમિકા ભજવવાની તક મળી ત્યારે તેને મોટો બ્રેક મળ્યો, જે અભિનેત્રીની ત્રીજી ફિલ્મ હતી. આ ફિલ્મથી તેમણે મલયાલમ સિનેમામાં પોતાનું એક ખાસ સ્થાન બનાવી લીધું હતું.

નેયતિંકારા કોમલમની હિટ ફિલ્મો
‘વનમાલા’ મલયાલમમાં પહેલી વન આધારિત ફિલ્મ હોવાના કારણે સમાચારમાં હતા. ત્યારબાદ, તેઓ 1952માં ‘આત્મસંતી’માં જોવા મળ્યા હતા. 1954 માં, તેમણે એફ. નાગૌરની ‘સંધ્યા’ અને બાદમાં પી. રામદાસની ‘ન્યૂઝપેપર બોય’ની કાસ્ટ સાથે જોડાઈ. 22 વર્ષના અંતરાલ પછી, તે મધુ દ્વારા નિર્દેશિત ફિલ્મ ‘આરાધના’ સાથે અભિનયમાં પાછા ફર્યા. 1994 માં, નેયતિંકારા કોમલમને એસોસિયેશન ઓફ મલયાલમ મૂવી આર્ટિસ્ટ્સ (એએમએમએ) નું માનદ સભ્યપદ આપવામાં આવ્યું હતું.

આ પણ વાંચો : મહારાષ્ટ્ર સરકારને ચૂંટણીપંચનો મોટો ફટકો: આચારસંહિતા ભંગના કિસ્સામાં મોટી કાર્યવાહી