જેકલીન સામેના આરોપો પર આજે કોઈ ચર્ચા નહીં, 12 ડિસેમ્બર સુધી સુનાવણી મુલતવી
ગેંગસ્ટર સુકેશ ચંદ્રશેખર સંબંધિત કેસમાં ફિલ્મ અભિનેત્રી જેકલીન ફર્નાન્ડીઝ દિલ્હીની પટિયાલા હાઉસ કોર્ટમાં હાજર થઈ હતી. પટિયાલા હાઉસના ASG શૈલેન્દ્ર મલિકની કોર્ટમાં મની લોન્ડરિંગ કેસમાં સહ-આરોપી જેકલીન સામે આરોપો ઘડવા માટે સુનાવણી હાથ ધરવામાં આવી હતી. સુનાવણી દરમિયાન જેકલીન ફર્નાન્ડીઝ કોર્ટમાં હાજર હતી. પટિયાલા હાઉસ કોર્ટે આ કેસની સુનાવણી 12 ડિસેમ્બર સુધી મુલતવી રાખી છે.
#UPDATE | Delhi's Patiala House court defers the hearing on charges in the Jacqueline Fernandes matter for 12th December.
She appeared before the Court today in connection with the Rs 200 crores money laundering case involving conman Sukesh Chandrashekhar.
— ANI (@ANI) November 24, 2022
જેકલીન ફર્નાન્ડીઝ કોર્ટમાં પહોંચી
અભિનેત્રી જેકલીન ફર્નાન્ડીઝ પોતે આજે સુનાવણી માટે દિલ્હીની પટિયાલા હાઉસ કોર્ટ પહોંચી હતી. આ દરમિયાન તે વકીલના પોશાકમાં જોવા મળી હતી. તેના વકીલોથી ઘેરાયેલી જેકલીન સફેદ શર્ટ અને બ્લેક પેન્ટમાં સજ્જ હતી. જેકલીને ફેસ માસ્ક પહેર્યો હતો.
સુનાવણી દરમિયાન, કોર્ટને કહેવામાં આવ્યું હતું કે આ કેસના અન્ય આરોપી બી મોહન રાજે જામીન અરજી દાખલ કરી છે. આ અંગે પટિયાલા હાઉસ કોર્ટે ED પાસેથી જવાબ માંગ્યો હતો. આ જ કેસમાં અન્ય એક આરોપી પિંકી ઈરાનીએ પણ વિદેશ જવા માટે કોર્ટમાં અરજી કરી છે.
જેકલીન ફર્નાન્ડીઝ પર શું છે આરોપ
તમને જણાવી દઈએ કે મહાઠગ સુકેશ ચંદ્રશેખરની 200 કરોડની છેતરપિંડી સાથે જોડાયેલા મની લોન્ડરિંગ કેસમાં ED દ્વારા જેકલીન ફર્નાન્ડીઝને સહ-આરોપી બનાવવામાં આવી હતી. EDએ દાવો કર્યો હતો કે સુકેશની વાસ્તવિકતા જાણવા છતાં જેકલીને તેની પાસેથી લગભગ 7.14 કરોડ રૂપિયાની મોંઘી ભેટ અને રોકડ લીધી હતી. પટિયાલા હાઉસ કોર્ટે 15 નવેમ્બરે જેકલીનને નિયમિત જામીન આપ્યા હતા.
લાંબી સુનાવણી બાદ કોર્ટે જેકલીનને જામીન આપ્યા
આ મહિનાની 15મી તારીખે લાંબી સુનાવણી બાદ દિલ્હી કોર્ટે અભિનેત્રી જેકલીન ફર્નાન્ડીઝને મોટી રાહત આપતા જામીન મંજૂર કર્યા હતા. પટિયાલા હાઉસ કોર્ટના એડિશનલ સેશન્સ જજ શૈલેન્દ્ર મલિકે જેકલીનને રૂ. 2 લાખના અંગત બોન્ડ અને એટલી જ રકમની જામીન આપવાની શરતે જામીન આપ્યા હતા. કોર્ટનું માનવું હતું કે જેકલીન ફર્નાન્ડીઝને દેશ છોડવાનો કોઈ ખતરો નથી કારણકે તેનો પાસપોર્ટ એજન્સીએ જપ્ત કરી લીધો છે. દલીલ દરમિયાન જેકલીનના વકીલે દાવો કર્યો હતો કે ED જેકલીનને હેરાન કરી રહી છે.તેમણે કહ્યું કે અભિનેત્રીનું પાંચ વખત નિવેદન નોંધવામાં આવ્યું છે અને તે તપાસમાં સહકાર આપી રહી છે.
