અન્નુ કપૂરને છાતીમાં દુઃખાવાના કારણે હોસ્પિટલમાં દાખલ

બોલીવુડ અભિનેતા અન્નુ કપૂરને સર ગંગારામ હોસ્પિટલમાં દાખલ કરવામાં આવ્યા છે. ડૉક્ટર સંજય સ્વરૂપે જણાવ્યું કે અન્નુ કપૂરને છાતીમાં દુઃખાવો થતાં હોસ્પિટલમાં દાખલ કરવામાં આવ્યા છે. અન્નુ કપૂરના મેનેજરે જણાવ્યું કે હાર્ટ એટેક આવ્યો નથી, છાતીમાં દુઃખાવો અને ગભરામણ હતી અને તેથી જ તેમને હોસ્પિટલમાં દાખલ કરવામાં આવ્યા છે. તેણે જણાવ્યું કે હાલ તેની તબિયત સારી છે અને બંને હાલમાં સાથે ભોજન કરી રહ્યા છે.

અન્નુ કપૂર પ્રતિભાશાળી અભિનેતા

અન્નુ કપૂર એક્ટર હોવાની સાથે સાથે એક અદ્ભુત ગાયક પણ છે. આ સિવાય તે ડાયરેક્ટર, રેડિયો જોકી અને ટીવી હોસ્ટ પણ રહી ચુક્યા છે. તેણે બોલિવૂડ ઈન્ડસ્ટ્રીને 100 થી વધુ ફિલ્મો આપી છે. આ સાથે તે ટીવી શોનો પણ ભાગ રહી ચુક્યો છે. તેણે પોતાની કારકિર્દીમાં નેશનલ એવોર્ડ, ફિલ્મફેર એવોર્ડ અને ટીવી એકેડેમી એવોર્ડ જીત્યા છે.