રવીના પર નશાનો આરોપ લગાવવાનું મોંઘું પડ્યું, જાણો અભિનેત્રીએ શું કર્યું

• રવીના ટંડન પર એક વ્યક્તિએ નશાનો લગાવ્યો હતો આરોપ
• હવે અભિનેત્રીએ આરોપ લગાવનાર વ્યક્તિ વિરુદ્ધ 100 કરોડ રુપિયાની માનહાનિની નોટિસ ફટકારી

મુંબઈ, 15 જૂન: રવીના ટંડને એક વ્યક્તિને 100 કરોડ રૂપિયાની માનહાનિની ​​નોટિસ મોકલી છે અને તેની છબી ખરાબ કરવાનો આરોપ પણ લગાવ્યો છે. આ મામલો એ જ વ્યક્તિ સાથે સંબંધિત છે જેણે અભિનેત્રીનો વીડિયો ટ્વીટ કર્યો હતો અને દાવો કર્યો હતો કે અભિનેત્રીએ તેની કારથી તેની માને ટક્કર મારી હતી અને આ બનાવ બન્યો ત્યારે રવીના નશામાં હોવાનો દાવો કર્યો હતો. હવે, રોડ રેજ કેસમાં રવીના પર લગાવવામાં આવેલા આરોપો ખોટા સાબિત થયા છે, ત્યારે અભિનેત્રીએ હવે તે વ્યક્તિ વિરુદ્ધ કાર્યવાહી કરી છે.

અભિનેત્રીએ 12 જૂને 100 કરોડ રુપિાયના વળતરની મોકલી નોટિસ

રવીનાએ તેના પર ખોટા આરોપો લગાવનાર વ્યક્તિ વિરુદ્ધ કાર્યવાહી કરી અને તેના પર અપમાનજનક સામગ્રી ફેલાવવાનો આરોપ લગાવ્યો. તે વ્યક્તિને મોકલવામાં આવેલી નોટિસમાં તેણીએ 100 કરોડ રૂપિયાના વળતરની માંગણી કરી છે. આ નોટિસ રવીનાએ તે વ્યક્તિને 12 જૂને મોકલી હતી.

વકીલે કહ્યું, ‘વ્યક્તિ ખોટી માહિતી કરી રહ્યો હતો પોસ્ટ’

ઈન્ડિયા ટુડેને આ માહિતી આપતા અભિનેત્રીના વકીલ સના રઈસ ખાને કહ્યું કે તાજેતરમાં જ રવીનાને ખોટી ફરિયાદમાં સામેલ કરવાનો પ્રયાસ કરવામાં આવ્યો હતો, જે CCTV ફૂટેજમાં સ્પષ્ટ થઈ ગયું છે અને અન્ય કોઈ ફરિયાદ દાખલ કરવામાં આવી નથી. એવું નોંધવામાં આવ્યું છે કે પત્રકાર હોવાનો દાવો કરનાર વ્યક્તિ X (અગાઉના ટ્વિટર) પર તે ઘટના અંગે ખોટી માહિતી પોસ્ટ કરી રહ્યો હતો, જે હકીકતમાં ખોટી છે.

રવીનાના નામે લોકપ્રિયતા મેળવવાનો પ્રયાસ કરી રહ્યો હતો એ વ્યક્તિ: વકીલ

રવીનાના વકીલે એમ પણ કહ્યું કે, ‘અભિનેત્રી વિશે ખોટા સમાચાર ફેલાવવાનો હેતુ રવીનાની ઈમેજને ખરાબ કરવાનો ઈરાદાપૂર્વકનો પ્રયાસ હોવાનું જણાય છે. આ આરોપ લગાવતા, તેમણે કહ્યું કે આ જુઠ્ઠાણા સતત ફેલાવવા પાછળનો હેતુ છેડતીનો હતો અને તે રવીનાના નામે સસ્તી લોકપ્રિયતા મેળવવાનો પ્રયાસ કરી રહ્યો હતો. તેમણે કહ્યું કે આ મામલે તેઓ તમામ જરૂરી કાયદાકીય પગલાં લઈ રહ્યા છે જેથી વ્યક્તિ વિરુદ્ધ કાર્યવાહી કરવામાં આવે.

આ પણ વાંચો: વાઈલ્ડલાઈફ ફિલ્મમેકર સુબિયા નલ્લામુથુને વી. શાંતારામ લાઇફટાઇમ એચિવમેન્ટ એવોર્ડ