કરાચી પોલીસ વડાની ઓફિસ પર હથિયારોથી હુમલો કરનારા પાકિસ્તાની તાલિબાન આતંકવાદીઓની ઓળખ થઈ ગઈ છે. હુમલામાં સામેલ આતંકવાદીઓ ઉત્તર પશ્ચિમ પાકિસ્તાનના બે જિલ્લાના રહેવાસી હતા. આ પહેલા શુક્રવારે સ્થાનિક સમય મુજબ સાંજે 7.10 કલાકે તહરીક-એ-તાલિબાન પાકિસ્તાન (TTP)ના આતંકવાદીઓએ કરાચીમાં પોલીસ વડાની પાંચ માળની ઓફિસ પર હુમલો કર્યો હતો. પ્રતિબંધિત TTP પ્રવક્તા મોહમ્મદ ખુરસાનીએ એક નિવેદન જારી કરીને હુમલાની જવાબદારી સ્વીકારી છે.
અથડામણમાં TTPના ત્રણ આતંકવાદીઓ માર્યા ગયા હતા
કરાચીની અંદર કલાકો સુધી ચાલેલા એન્કાઉન્ટરમાં ટીટીપીના ત્રણ આતંકવાદીઓ માર્યા ગયા હતા. આ દરમિયાન ત્રણ સુરક્ષાકર્મીઓ સહિત અન્ય ચાર લોકોએ પણ જીવ ગુમાવ્યા હતા. પોલીસના જણાવ્યા અનુસાર, આતંકવાદીઓ ઝાલા નૂર અને કિફાયતુલ્લાની ઓળખ ઉત્તર વજીરિસ્તાનના લક્કી મારવત જિલ્લાના રહેવાસી તરીકે થઈ છે.
એડિશનલ ઇન્સ્પેક્ટર જનરલ ઑફ પોલીસને ટાર્ગેટ કરવા માગે છે
દરમિયાન પોલીસે રવિવારે જણાવ્યું હતું કે હુમલાના લગભગ એક મહિના પહેલા બંને આતંકવાદીઓએ વિસ્તારની શોધખોળ હાથ ધરી હતી. તેઓ અધિક પોલીસ મહાનિરીક્ષકને નિશાન બનાવવા માંગતા હતા. પોલીસે લક્કી મારવતના વાંડા અમીર ગામમાં કથિત આતંકવાદી કિફાયતુલ્લાના ઘરે દરોડો પાડ્યો હતો અને પરિવારના સભ્યોની પણ પૂછપરછ કરી હતી.
