રાજકોટ-લીંબડી હાઈવે પર અકસ્માત; પંચર પડતાં સાઈડમાં ઊભેલી બસને ટ્રકે પાછળથી ટક્કર મારી, એકનું મોત

લીંબડી-રાજકોટ નેશનલ હાઇવે ફરી લોહિયાળ બન્યો છે. ટ્રક અને ખાનગી લકઝરી બસ વચ્ચે અકસ્માત થતાં એક વ્યક્તિનું ઘટના સ્થળે મોત થયું છે, જ્યારે એક ગંભીર ઇજાગ્રસ્ત થયો છે. લકઝરી બસમાં પંચર પડતા ડ્રાઇવર બસ સાઇડમાં રાખી વ્હીલ બદલાવી રહ્યો હતો ત્યારે પાછળથી આવતા ટ્રક ચાલકે બસ સાથે ધડાકાભેર અથડાવી હતી.

વખતપર ગામના પાટીયા પાસે આ ઘટના બની હતી. અકસ્માત સર્જાતા બસ ખાડામાં ઉતરી ગઈ હતી. બસમાં પંચર પડતા મુસાફરો બહાર નીકળી દૂર ઉભા હોવાથી મોટી જાનહાની ટળી હતી.