ખેડાથી ધોળકા માર્ગ પર ગોઝારો અકસ્માત, 5 લોકોના ઘટના સ્થળે મૃત્યુ

• ધોળકાની પોલન ચોકડી નજીક ભયંકર અકસ્માત થયો
• બોલેરો કાર સાથે ડમ્પર અથડાતા અકસ્માત સર્જાયો
• બે વ્યક્તિ ઈજાગ્રસ્ત થતા તાત્કાલિક હોસ્પિટલ લઈ જવાયા

અમદાવાદ જિલ્લાના ધોળકાની પોલન ચોકડી નજીક ભયંકર અકસ્માત થયો છે. જેમાં બોલેરો કાર સાથે ડમ્પર અથડાતા ભયાનક અકસ્માત સર્જાતા 5 વ્યક્તિના ઘટના સ્થળે મોત થયા છે. મૃતકો બોલેરો કાર લઇ રાણપુર બોટાદ તરફ જઈ રહ્યા હતા. તેમજ બે વ્યક્તિ ઈજાગ્રસ્ત થતા તાત્કાલિક હોસ્પિટલ લઈ જવાયા છે.

બનાવવાની જાણ થતા બે 108 એમ્બ્યુલન્સ ઘટના સ્થળે પહોંચી

તમામ મૃતક મધ્યપ્રદેશના પીટોલના શ્રમજીવી હોવાનું સામે આવ્યુ છે. તેમજ વધુ સારવાર માટે રામચંદ્ર નિતેશભાઇ ભીલવાડ અને મનીષા નિતેશભાઇ ભીલવાડ બંને ઈજાગ્રસ્તોને અસારવા સિવિલ હોસ્પિટલ લઈ જવામાં આવ્યા છે. બનાવવાની જાણ થતા બે 108 એમ્બ્યુલન્સ ઘટના સ્થળે પહોંચી છે. તથા ધોળકા પોલીસ ઘટના સ્થળે પહોંચી આગળની કાર્યવાહી કરી છે.

આ પણ વાંચો: ગુજરાતમાં જાણો કેમ લઘુત્તમ તાપમાન ઊંચકાયું, ઠંડી સાથે માવઠાની આગાહી

પાંચ વ્યક્તિઓના મોત થયા તેના નામ:

– રાહુલ ખુમસિંગ ભીલવાડ
– પ્રમોદ ભરતભાઈ ભીલવાડ
– નીતિશ નાનસિંગ ભીલવાડ
– રાજુ માનસિંગ ખાંદરા
– દિલીપ નાનસિંગ ભીલવાડ