કેનેડામાં મોટી દુર્ઘટના: લેન્ડીંગ સમયે બર્ફીલી જમીન પર લપસી ગયું વિમાન, 76 લોકોમાંથી 19 ગંભીર રીતે ઘાયલ
18 ફેબ્રુઆરી 2025: કેનેડાની રાજધાની ટોરેન્ટોમાં સોમવારે એક મોટી દુર્ઘટના થઈ હતી.ટોરેન્ટોના પિયર્સન એરપોર્ટ પર લેન્ડ કરતી વખતે ડેલ્ટા એરલાઈન્સનું એક વિમાન બર્ફીલી જમીન પર લપસી ગયું હતું. આ દુર્ઘટનામાં 19 લોકો ઘાયલ થઈ ગયા છે. ઘાયલમાંથી ત્રણ લોકોની હાલત ગંભીર હોવાનું કહેવાય છે.
વિમાનમાં બેઠા હતા76 લોકો
એરપોર્ટ અથોરિટીએ સોશિયલ મીડિયા પ્લેટફોર્મ એક્સ પર તેની પુષ્ટિ કરી છે. ટોરેન્ટોના પિયર્સન એરપોર્ટે જણાવ્મયું છે કે, મિનિયાપોલિસથી ડેલ્ટાનું વિમાન સાથે દુર્ઘટના થઈ છે. વિમાન 76 મુસાફરો તથા ચાર ચાલક દળના સભ્યો સાથે આવ્યું હતું. ડેલ્ટા એરલાઈન્સે એક નિવેદનમાં જણાવ્યું છે કે આ દુર્ઘટના સોમવાર સવારે 3.30 કલાકે થઈ હતી.
તાજેતરમાં જ આવ્યું હતું બર્ફીલું તોફાન
ઘટનાસ્થળથી મળેલા વીડિયોમાં મિત્સુબિશી CRJ-900LRને બર્ફીલા ટરમૈક પર ઉલ્ટું પડેલું જોઈ શકાય છે, જ્યારે ઈમરજન્સી કર્મચારી તેને પાણીથી ધોઈ રહ્યા છે. તાજેતરમાં જ ટોરેન્ટોમાં બર્ફીલું તોફાન આવ્યું હતું. માનવામાં આવે છે કે, આ કારણે દુર્ઘટના થઈ છે.
એક બાળક સહિત 3 મુસાફરોની હાલત ગંભીર
ઓર્ગે એર એમ્બ્યુલન્સે જણાવ્યું હતું કે એક બાળકને ટોરોન્ટોની સિકકિડ્સ હોસ્પિટલમાં એરલિફ્ટ કરવામાં આવ્યું હતું. બે પુખ્ત મુસાફરોને ગંભીર ઇજાઓ થતાં શહેરની અન્ય હોસ્પિટલોમાં દાખલ કરવામાં આવ્યા હતા. એરપોર્ટે સોશિયલ પ્લેટફોર્મ X પર એક પોસ્ટમાં જણાવ્યું હતું કે કટોકટી ટીમો રાહત અને બચાવ કામગીરીમાં રોકાયેલી છે. બધા મુસાફરો અને ક્રૂ મેમ્બર્સ સુરક્ષિત છે. ઉપરાંત, એવું કહેવામાં આવ્યું હતું કે વિમાન પલટી જવાનું કારણ શું હતું તે કહેવું હજુ વહેલું ગણાશે. આ અકસ્માત ખરાબ હવામાનને કારણે થયો હશે.
આ પણ વાંચો: દેશને મળ્યા નવા મુખ્ય ચૂંટણી કમિશનર, રાજીવ કુમારની જગ્યા લેશે જ્ઞાનેશ કુમાર
