આંધ્રપ્રદેશથી ટ્રેન દુર્ઘટનાના સમાચાર આવી રહ્યા છે. આંધ્રપ્રદેશના વિજિયાનગરમ જિલ્લામાં બે ટ્રેનો સામસામે અથડાયા છે. આ અકસ્માતમાં ઓછામાં ઓછા છ લોકોના મોત થયા હતા. આ દરમિયાન 25 અન્ય લોકો ઘાયલ થયા હોવાનું કહેવાય છે. ડિવિઝનલ રેલવે મેનેજરે જણાવ્યું કે વિશાખાપટ્ટનમ-પલાસા પેસેન્જર ટ્રેન અને વિશાખાપટ્ટનમ-રાયગડા પેસેન્જર ટ્રેન વચ્ચે ટક્કર થઈ હતી. આ અકસ્માતમાં ત્રણ કોચને નુકસાન થયું હતું. બચાવ કામગીરી ચાલી રહી છે. સ્થાનિક વહીવટીતંત્ર અને એનડીઆરએફને મદદ અને એમ્બ્યુલન્સ માટે જાણ કરવામાં આવી છે. અકસ્માત રાહત ગાડીઓ ઘટનાસ્થળે પહોંચી ગઈ છે. રેલ્વે મંત્રી અશ્વિની વૈષ્ણવે કહ્યું કે રેસ્ક્યુ ઓપરેશન ચાલુ છે, બધાને બહાર કાઢવામાં આવ્યા છે. ટીમો તૈનાત કરવામાં આવી છે. વડાપ્રધાન નરેન્દ્ર મોદીએ સ્થિતિની સમીક્ષા કરી છે. મેં આંધ્રપ્રદેશના મુખ્યમંત્રી સાથે વાત કરી છે. હાલ સ્થિતિ નિયંત્રણમાં છે.
મુખ્યમંત્રીએ તપાસના આદેશ જારી કર્યા
દરમિયાન મુખ્ય પ્રધાન વાયએસ જગન મોહન રેડ્ડીએ તાત્કાલિક રાહત પગલાં લેવા અને વિશાખાપટ્ટનમ અને વિઝિયાનગરમની નજીકના જિલ્લાઓમાંથી શક્ય તેટલી વધુ એમ્બ્યુલન્સ મોકલવાના આદેશો જારી કર્યા છે. ઘાયલોને સારી સારવાર મળી રહે તે માટે નજીકની હોસ્પિટલોમાં તમામ પ્રકારની વ્યવસ્થા કરવા આદેશ આપવામાં આવ્યો છે.
ઈજાગ્રસ્તોને સારી સારવાર મળવી જોઈએ – મુખ્યમંત્રી
મુખ્ય પ્રધાને રેલવે સત્તાવાળાઓને આરોગ્ય, પોલીસ અને મહેસૂલ સહિતના અન્ય સરકારી વિભાગો સાથે સંકલન કરીને તાત્કાલિક રાહત પગલાં લેવા અને ઘાયલોને તાત્કાલિક તબીબી સેવાઓ મળે તે સુનિશ્ચિત કરવાનો આદેશ આપ્યો હતો.
આ દુર્ઘટના બાદ રેલવે મંત્રાલયે કેટલાક હેલ્પલાઇન નંબર પણ જારી કર્યા છે.
બીએસએનએલ નંબર
08912746330
08912744619
એરટેલ સિમ
8106053051
8106053052
બીએસએનએલ સિમ
8500041670
8500041671
