નાઈજીરિયાના લાગોસમાં ગુરુવારે એક પેસેન્જર બસ સાથે ટ્રેન અથડાયા બાદ એક ભયાનક અકસ્માત થયો હતો. આ દુર્ઘટનામાં છ લોકોના મોત થયા છે, જ્યારે ડઝનેક લોકો ઘાયલ હોવાનું કહેવાય છે. લાગોસ સ્ટેટ ઇમરજન્સી મેનેજમેન્ટ એજન્સી (LASEMA) એ આ માહિતી આપી છે.
આ અકસ્માતમાં છ લોકોના મોત થયા છે, ડઝનેક ઘાયલ થયા છે
નાઈજીરિયાની નેશનલ ઈમરજન્સી મેનેજમેન્ટ એજન્સીના વડા ઈબ્રાહિમ ફરિનલોયે જણાવ્યું હતું કે બસ સરકારી કર્મચારીઓને કામ પર લઈ જઈ રહી હતી ત્યારે તે આંતર-શહેર ટ્રેન સાથે અથડાઈ હતી. ઈબ્રાહિમ ફરિનલોયે જણાવ્યું કે, આ અકસ્માતમાં અત્યાર સુધીમાં 84 લોકોને જીવતા બચાવી લેવામાં આવ્યા છે અને તેમને હોસ્પિટલ લઈ જવામાં આવ્યા છે. આ અકસ્માતમાં છ લોકોના મોત થયા છે, જેમાં હોસ્પિટલમાં મૃત્યુ પામેલા લોકોનો પણ સમાવેશ થાય છે. તેમણે કહ્યું કે તમામ ઇજાગ્રસ્તો બસના છે. ટ્રેનમાં સવાર કોઈ મુસાફરને ઈજા થઈ નથી. તેમણે કહ્યું કે નેશનલ ઇમરજન્સી મેનેજમેન્ટ એજન્સીના પેરામેડિક્સ દ્વારા પ્રાથમિક સારવાર આપ્યા બાદ ઘાયલોને વધુ તબીબી સારવાર માટે જનરલ હોસ્પિટલમાં ખસેડવામાં આવ્યા હતા.
બસ ડ્રાઇવરની બેદરકારીના કારણે સર્જાયો અકસ્માત
લાગોસ સ્ટેટ ઇમરજન્સી મેનેજમેન્ટ એજન્સીના સેક્રેટરી ઓલુફેમી ઓકે-ઓસાનિન્ટોલુએ જણાવ્યું હતું કે અકસ્માતનું તાત્કાલિક કારણ બસ ડ્રાઇવર દ્વારા બેદરકારીપૂર્વક ચલાવવું હતું. ઓકેઓસાનિન્ટોલુએ જણાવ્યું હતું કે બસ ડ્રાઇવરના અવિચારી ડ્રાઇવિંગને કારણે આ ઘટના બની હતી. ટ્રેનને ટક્કર મારતા પહેલા બસ ડ્રાઈવરે ટ્રેનનો ટ્રાફિક સિગ્નલ તોડવાનો પ્રયાસ કર્યો હતો.
નાઇજીરીયામાં રોડ અકસ્માતો સામાન્ય છે
સ્થાનિક રહેવાસીઓના જણાવ્યા અનુસાર નાઈજીરિયાના શહેરોમાં ટ્રેન અને ટ્રક અકસ્માતો સામાન્ય છે. સામાન્ય રીતે અહીં ટ્રાફિકના નિયમોનું યોગ્ય રીતે પાલન થતું નથી. નાઇજીરીયાના સૌથી મોટા શહેર અને વ્યાપારી હબ લાગોસમાં તે ગંભીર સમસ્યા છે, એમ તેમણે જણાવ્યું હતું. જો કે, તાજેતરના વર્ષોમાં, સત્તાવાળાઓએ માર્ગ અને આ પ્રકારના અકસ્માતને નિયંત્રિત કરવા માટે ઘણા કડક પગલાં લીધા છે.
