એક્સપ્રેસ વે પર એક પછી એક 30 થી વધુ વાહનો વચ્ચે ગમખ્વાર અકસ્માત, અફરાતફરીનો માહોલ

ગાઝિયાબાદના થાણા મસૂરી વિસ્તારમાં દિલ્હી-મેરઠ એક્સપ્રેસ વે પર ગાઢ ધુમ્મસના કારણે રવિવારે સવારે ડઝનેક વાહનોની ટક્કર થવાની ઘટના સામે આવી છે. સવારે 8:00 થી 8:30 ની વચ્ચે જ્યારે વાહનો દિલ્હી મેરઠ એક્સપ્રેસવે પરથી ખૂબ જ ઝડપે પસાર થઈ રહ્યા હતા, જ્યારે એક વાહને બ્રેક લગાવી ત્યારે પાછળથી આવતા વાહનો એકબીજા સાથે અથડાઈ ગયા અને આ પ્રક્રિયા લાંબા સમય સુધી ચાલુ રહી. જેમાં 3 ડઝનથી વધુ વાહનો અથડાયા હતા. મળતી માહિતી મુજબ આ ઘટનામાં 2 લોકોના મોત નિપજ્યા છે.

#WATCH | Several cars collided one after the other on the Delhi-Meerut Expressway, due to fog. Some people have been injured in the accident: DCP Rural Ghaziabad Ravi Kumar

(Video Source: Ghaziabad Police) pic.twitter.com/ZzID8may7S

— ANI (@ANI) February 19, 2023

જ્યારે મેરઠ એક્સપ્રેસ વે નજીકના ગામના લોકોને આ વાતની જાણ થઈ તો તેઓ ઘટનાસ્થળે પહોંચવા લાગ્યા અને ઘાયલોની મદદ માટે આગળ આવ્યા. ગામના રહેવાસીઓના જણાવ્યા મુજબ, ગામડાઓમાં જાહેરાત કરવામાં આવી હતી કે મેરઠ એક્સપ્રેસ વે પર ઘણા વાહનો એકબીજા સાથે અથડાયા છે. આ પછી, ગામના લોકો અકસ્માતમાં ઘાયલ લોકોની મદદ માટે આવ્યા, અહીં ઘણા વાહનો અથડાયા છે અને ઘણા લોકો ઘાયલ પણ થયા છે.

UP: 1 injured as cars pile up due to fog on Delhi-Meerut e-way, 2 killed in separate accident

Read @ANI Story | https://t.co/8O93WQVrCV#UttarPradesh #fog #RoadAccident #PileUp pic.twitter.com/oma3TEGoj0

— ANI Digital (@ani_digital) February 19, 2023

ગાઝિયાબાદના ADCP ટ્રાફિક રામાનંદ કુશવાહાના જણાવ્યા અનુસાર, આજે સવારે એક કારની બ્રેક મારવાને કારણે તેની પાછળ આવતા નાના કન્ટેનરના ચાલકે પણ બ્રેક લગાવી દીધી હતી અને ત્યારપછી પાછળથી આવતા મોટા કદના ટ્રેલરે કન્ટેનરને ટક્કર મારી હતી અને તે બાજુથી અથડાઈ હતી.  જે બાદ પાછળથી આવતા અન્ય વાહનો એકબીજા સાથે અથડાયા હતા.

ધુમ્મસના કારણે 3 ડઝનથી વધુ વાહનો અથડાયા હતા. અથડાતા વાહનોમાં કાર, ટ્રક, કન્ટેનર, ટેન્કર, બસ, નાના હાથી જેવા વાહનોનો સમાવેશ થાય છે. આ અકસ્માતમાં ઘાયલોને  સારવાર માટે હોસ્પિટલમાં દાખલ કરવામાં આવ્યો છે. બીજી તરફ, રવિવારે સવારે દિલ્હી-સહારનપુર હાઈવે પર ગાઢ ધુમ્મસને કારણે એક ડઝનથી વધુ વાહનો એકબીજા સાથે અથડાઈ ગયા, જેમાં ઘણા લોકો ઘાયલ થયા. વાહનોમાં એક સ્કૂલ બસ પણ સામેલ હતી જેમાં ઘણા બાળકો હતા.

આ અકસ્માત ઉત્તર પ્રદેશના બાગપતમાં રવિવારે નેશનલ હાઈવે 709B પર પાલી ગામ નજીક થયો હતો જ્યારે ઓછી વિઝિબિલિટી વચ્ચે મોટરસાઈકલ, કાર અને સ્કૂલ બસ સહિત એક ડઝનથી વધુ વાહનો અથડાઈ ગયા હતા. બહુવિધ વાહનોની અથડામણમાં બાગપતમાં સ્યાદવાડ ઇન્સ્ટિટ્યૂટ ઑફ હાયર એજ્યુકેશન એન્ડ રિસર્ચના વિદ્યાર્થીઓને લઈ જતી બસ પણ સામેલ હતી, જેઓ દિલ્હીમાં મેરેથોનમાં ભાગ લેવા જઈ રહ્યા હતા. આ અકસ્માતમાં ઘણા વિદ્યાર્થીઓ ઘાયલ થયા છે, જેમને નજીકની હોસ્પિટલમાં દાખલ કરવામાં આવ્યા છે.

આ પણ વાંચો : કેન્દ્રીય કર્મચારીઓને ભેટ આપવાની તૈયારીમાં સરકાર, ટૂંક સમયમાં થઈ શકે છે મોટી જાહેરાત