પાલનપુર હાઈવે પર બાઇક અને ટ્રક વચ્ચે અકસ્માત, એકનું મોત અને બે યુવકને ઇજા

• ઇજાગ્રસ્તોને હોસ્પિટલમાં સારવાર અર્થે ખસેડાયા

પાલનપુર : પાલનપુર હનુમાન ટેકરી નજીક શનિવારને સાંજે ટ્રક અને મોટરસાયકલ વચ્ચે અકસ્માત સર્જાયો હતો.જેમાં એક યુવકનું ઘટના સ્થળે મોત નિપજ્યુ હતુ.તેમજ બે યુવકને ઇજાઓ થતા સારવાર અર્થે ખસેડાયા હતા. પાલનપુર જુના આરટીઓ સર્કલ તરફથી એક મોટર સાયકલ પર એરોમા સર્કલ તરફ આવી રહેલા યુવકના મોટર સાયકલ અને ટ્રક વચ્ચે અકસ્માત સર્જાયો હતો. જેમાં એક યુવકનું ઘટના સ્થળે મોત નિપજ્યુ હતું.

તેમજ બે યુવકોને ગંભીરઇજાઓ થતા પાલનપુરની ખાનગી હોસ્પિટલમાં સારવાર અર્થે ખસેડવામાં આવ્યા હતા. આ ઘટનાને પગલે આજુબાજુથી લોકોના ટોળેટોળા એકત્ર થઈ ગયા હતા અને પોલીસને જાણ કરવામાં આવી હતી જેથી પોલીસ ઘટના સ્થળે દોડી આવી વધુ તપાસ હાથ ધરી છે.જોકે ત્રણે વિદ્યાર્થીઓ હોવાનું પ્રાથમિક માહીતી મળી રહી છે. આ ઘટના ના પગલે પાલનપુર ના ધારાસભ્ય અનિકેત ઠાકર સિવિલમાં દોડી આવ્યા હતા. અને મૃતકના પરિવારજનો ને આશ્વાસન આપ્યું હતું. અને ઇજાગ્રસ્ત ની ખબર અંતર પૂછ્યા હતા.

એકનું મોત, બે ને ઈજા

1.રીશી ગોપાલભાઇ ચંદાની (મૃતક)

2.હાર્દ ચિરાગભાઇ સોલંકી (માળી)ઇજાગ્રસ્ત

3.વંશ ગોરધનભાઇ ચંદાની (ઇજાગ્રસ્ત)

આ પણ વાંચો : બનાસકાંઠામાં ઘાયલ પક્ષીઓને સારવાર માટે વાઇલ્ડ લાઇફ હેલ્પ લાઇન શરૂ કરાઇ