અબુ ધાબીની કંપની ખરીદશે રિલાયન્સ રિટેલમાં હિસ્સો, 4966 કરોડમાં થશે ડીલ
- અબુ ધાબી ઇન્વેસ્ટમેન્ટ ઓથોરિટી કંપની રિલાયન્સ રિટેલ વેન્ચર્સ લિમિટેડમાં રૂ. 4,966 કરોડનું રોકાણ કરશે. આ ડીલ ટૂંક સમયમાં થઈ શકે છે.
એશિયાના સૌથી ધનિક વ્યક્તિ મુકેશ અંબાણીની કંપનીઓ પર રોકાણકારોનો વિશ્વાસ સતત વધી રહ્યો છે અને તેની સાથે તેમાં રોકાણ પણ ઝડપથી વધી રહ્યું છે. તાજેતરમાં, વૈશ્વિક રોકાણ કંપની KKRએ રિલાયન્સ રિટેલ વેન્ચર્સ લિમિટેડમાં રૂ. 2000 કરોડથી વધુનું રોકાણ કર્યું છે, જ્યારે હવે અન્ય રોકાણકારે કંપનીમાં રૂ. 4,966 કરોડનું રોકાણ કરી રહ્યા છે.
Abu Dhabi Investment Authority to invest Rs 4,966.80 crore in Reliance Retail for 0.59 pc stake: Filing
— Press Trust of India (@PTI_News) October 6, 2023
પીટીઆઈ અનુસાર, અબુ ધાબી ઈન્વેસ્ટમેન્ટ ઓથોરિટી (એડીઆઈએ) એ રિલાયન્સ રિટેલ વેન્ચર્સ લિમિટેડ (આરઆરવીએલ)માં 0.59 ટકા હિસ્સો ખરીદવાની જાહેરાત કરી છે. આ ડીલ 4,966.80 કરોડ રૂપિયાની છે. આ માહિતી રિલાયન્સ ઇન્ડસ્ટ્રીઝ લિમિટેડ (RIL લિમિટેડ) દ્વારા એક્સચેન્જ ફાઇલિંગમાં શેર કરવામાં આવી છે. આ ડીલ અંગે કંપની દ્વારા જણાવવામાં આવ્યું હતું કે આ રોકાણ હેઠળ રિલાયન્સ રિટેલ વેન્ચર્સ લિમિટેડની ઈક્વિટી વેલ્યુ વધીને 8.381 લાખ કરોડ રૂપિયા થઈ ગઈ છે.
રિલાયન્સ ઇન્ડસ્ટ્રીઝ, જે ઇક્વિટી મૂલ્યના સંદર્ભમાં ટોચની 4 કંપનીઓમાં છે, આ રોકાણ દ્વારા અબુ ધાબી ઇન્વેસ્ટમેન્ટ ઓથોરિટીને કંપનીમાં 0.59 ટકા હિસ્સો મળશે. આ મોટા રોકાણ બાદ રિલાયન્સ રિટેલ વેન્ચર્સ લિમિટેડ ઈક્વિટી વેલ્યુના સંદર્ભમાં દેશની ટોપ-4 કંપનીઓમાં સામેલ થઈ ગઈ છે. ADIAના અધિકારીએ જણાવ્યું છે કે રિલાયન્સ રિટેલે બજારમાં મજબૂત વૃદ્ધિ અને ઑપ્ટિમાઇઝેશન પરફોર્મન્સ આપ્યું છે.
રિલાયન્સ રિટેલનું મૂલ્ય ત્રણ વર્ષમાં બમણું થયું
રિલાયન્સ રિટેલ એ RILના રિટેલ બિઝનેસની મૂળ કંપની છે. તે 18,500 થી વધુ સ્ટોર્સ અને ઓનલાઈન પ્લેટફોર્મ દ્વારા ગ્રોસરી, ઈલેક્ટ્રોનિક્સથી લઈને ફેશન અને અન્ય સેગમેન્ટમાં બિઝનેસ કરે છે. ડાયરેક્ટર ઈશા અંબાણીના નેતૃત્વ હેઠળ, રિલાયન્સ રિટેલ સતત તેનો બિઝનેસ વધારી રહી છે અને નવા સોદા અને રોકાણ મેળવી રહી છે.
અગાઉ ઓગસ્ટ 2023માં, કતાર ઇન્વેસ્ટમેન્ટ ઓથોરિટીએ પણ રિલાયન્સ રિટેલમાં 0.99 ટકા હિસ્સા માટે રૂ. 8,278 કરોડનું રોકાણ કર્યું હતું. જે બાદ KKR દ્વારા 2069.50 કરોડ રૂપિયાનું રોકાણ કરવામાં આવ્યું હતું અને હવે વધુ એક મોટું રોકાણ આવ્યું છે.
આ પણ વાંચો: સૌર ઉર્જા ક્ષેત્રમાં આ ભારતીય કંપની 13 હજાર લોકોને આપશે નોકરી
