અમેરિકામાં રેકોર્ડતોડ ગરમીને કારણે અબ્રાહમ લિંકન પણ ઓગળી ગયા? જૂઓ તસવીરો
- અમેરિકાના અનેક વિસ્તારોમાં આ દિવસોમાં પડી રહી છે અત્યંત ગરમી
- ગરમીના કારણે વોશિંગ્ટન ડીસીમાં પૂર્વ પ્રમુખ અબ્રાહમ લિંકનની મીણથી બનાવેલી પ્રતિમા પીગળી
અમેરિકા, 26 જૂન: અમેરિકામાં પણ આ દિવસોમાં ગરમીનું જોર જોવા મળી રહ્યું છે. ઘણા ભાગોમાં તાપમાન 40 ડિગ્રીને પાર કરી ગયું છે. ઉનાળાની વચ્ચે વોશિંગ્ટન ડીસીમાંથી એક ચોંકાવનારી ઘટના પ્રકાશમાં આવી છે. અહીં પૂર્વ પ્રમુખ અબ્રાહમ લિંકનની છ ફૂટ ઊંચી મીણની પ્રતિમા પીગળી ગઈ છે. પીગળવાના કારણે લિંકનની પ્રતિમાનો આકાર સંપૂર્ણપણે બગડી ગયો છે.
શાળાની બહાર સ્થાપિત કરવામાં આવી હતી પ્રતિમા
વોશિંગ્ટન ડીસીમાં પ્રાથમિક શાળાની બહાર અબ્રાહમ લિંકનની મીણની પ્રતિમા સ્થાપિત કરવામાં આવી હતી. ગરમીના કારણે લિંકનની પ્રતિમાનું માથું પીગળી ગયું અને ધડથી અલગ થઈ ગયું હતું. ત્યાર બાદ અબ્રાહમ લિંકનની પીગળેલી મૂર્તિઓની તસવીરો સોશિયલ મીડિયા પર વાયરલ થઈ રહી છે.
અહીં જૂઓ તસવીરો:
WE CAN NOT WITH THIS HEAT EITHER, LINCOLN
Our project, “40 ACRES: Camp Barker” by Sandy Williams IV has gone viral (for innocent reasons and some not so innocent ones). Read the articles for yourself: https://t.co/NfRc0CaLQI
Check out our website for updates. #waxlincoln pic.twitter.com/688QcBUAj2— Cultural_DC (@Cultural_DC) June 25, 2024
મૂર્તિ ગરમી સહન ન કરી શકી
વોશિંગ્ટન ડીસીમાં આ દિવસોમાં તાપમાન 38 ડિગ્રી સેલ્સિયસની આસપાસ પહોંચી ગયું હતું. મીણની પ્રતિમા ગરમી સહન ન કરી શકી અને પીગળી ગઈ હતી. આ પ્રતિમા અમેરિકન કલાકાર સેન્ડી વિલિયમ્સ IV દ્વારા બનાવવામાં આવી હતી. આ પ્રતિમા આ વર્ષે ફેબ્રુઆરીમાં નોર્થવેસ્ટ વોશિંગ્ટનમાં સ્કૂલ કેમ્પસની બહાર સ્થાપિત કરવામાં આવી હતી. પ્રતિમા સ્થાપિત કરનાર સંસ્થા કલ્ચરલ ડીસીએ જણાવ્યું હતું કે તે ગરમીમાં ઓગળી ગયા બાદ અમારા સ્ટાફે લિંકનનું માથું હાથે જ હટાવ્યું હતું જેથી તેને પડવા અને તૂટતા અટકાવી શકાય.
અમેરિકામાં પડી રહી છે ખૂબ જ ગરમી
કલ્ચરલ ડીસીએ કહ્યું છે કે અત્યંત ગરમીની અસર લિંકનની પ્રતિમા પર જોવા મળી છે. અમેરિકાના ઘણા ભાગોમાં આ વર્ષે ભારે તાપમાન જોવા મળી રહ્યું છે. હવામાન વિભાગે મધ્ય અને પૂર્વીય વિસ્તારોમાં રહેતા લોકોને આ મહિને ગરમ પવનો માટે તૈયાર રહેવા ચેતવણી આપી છે. અમેરિકાના લોકો છેલ્લા કેટલાક દાયકાઓમાં સૌથી વધુ ગરમીનો અનુભવ કરી રહ્યા છે. અમેરિકન અધિકારીઓએ પણ લોકોને ગરમીને જોતા સાવચેતી રાખવા જણાવ્યું છે.
આ પણ વાંચો: વડાપ્રધાન ઋષિ સુનકની સુરક્ષામાં ચૂક, 4 લોકો ગેરકાયદેસર રીતે ઘરમાં ઘૂસ્યા
