દિલ્હીમાં આપ ને મોટો ઝટકો, અરવિંદ કેજરીવાલ અને મનીષ સિસોદિયા હાર્યા

નવી દિલ્હી, 8 ફેબ્રુઆરી 2025 : આમ આદમી પાર્ટી (AAP) એ દિલ્હીમાં સત્તા તો ગુમાવી જ છે, પરંતુ તેના દિગ્ગજ નેતાઓ પણ હારનો સામનો કરી રહ્યા છે. પૂર્વ નાયબ મુખ્યમંત્રી અને અરવિંદ કેજરીવાલના નજીકના સહયોગી મનીષ સિસોદિયાને જંગપુરા વિધાનસભા બેઠક પરથી હારનો સામનો કરવો પડ્યો છે. ભાજપના ઉમેદવાર તરવિંદર સિંહ મારવાહે તેમને હરાવ્યા છે.

દિલ્હીના પૂર્વ નાયબ મુખ્યમંત્રી અને આમ આદમી પાર્ટીના નેતા મનીષ સિસોદિયા જંગપુરા વિધાનસભા બેઠક પરથી હારી ગયા છે. ભાજપના ઉમેદવારે તેમને 600 મતોથી હરાવ્યા. પૂર્વ સીએમ અરવિંદ કેજરીવાલને પણ હારનો સામનો કરવો પડ્યો છે.

દિલ્હીના પૂર્વ નાયબ મુખ્યમંત્રી અને આમ આદમી પાર્ટીના મજબૂત નેતા મનીષ સિસોદિયા જંગપુરા વિધાનસભા બેઠક પરથી ચૂંટણી હારી ગયા છે. ભાજપના ઉમેદવાર તરવિંદર સિંહ મારવાહે તેમને 600 મતોથી હરાવ્યા. સિસોદિયાએ પોતાની હાર સ્વીકારી અને ભાજપના ઉમેદવારને તેમની જીત બદલ અભિનંદન આપ્યા. છેલ્લી વિધાનસભા ચૂંટણીમાં એટલે કે 2020 માં, સિસોદિયાએ પટપડગંજથી ચૂંટણી લડી હતી. પરંતુ આ વખતે બેઠક બદલ્યા પછી પણ તેઓ જીતી શક્યા નહીં.

કેજરીવાલ પણ હારી ગયા, ભાજપના પ્રવેશ વર્માએ તેમને હરાવ્યા
દિલ્હીના પૂર્વ મુખ્યમંત્રી અને આમ આદમી પાર્ટીના વડા અરવિંદ કેજરીવાલને પણ દિલ્હી વિધાનસભા ચૂંટણીમાં હારનો સામનો કરવો પડ્યો છે. પ્રવેશ વર્માએ તેમને નવી દિલ્હી વિધાનસભા બેઠક પર કારમી હાર આપી છે. કેજરીવાલ સામે ભારતીય જનતા પાર્ટીએ પરવેશ વર્માને ટિકિટ આપી હતી અને કોંગ્રેસે સંદીપ દીક્ષિતને ટિકિટ આપી હતી. આ ચૂંટણીમાં પ્રવેશ વર્માએ તેમના રાજકીય કારકિર્દીની સૌથી મોટી જીત મેળવી છે.

મનીષ સિસોદિયા અને અરવિંદ કેજરીવાલની હાર આમ આદમી પાર્ટી માટે સૌથી મોટો ફટકો માનવામાં આવી રહી છે.

આ પણ વાંચો : દિલ્હીમાં જીત તરફ આગળ વધતું ભાજપ, કાર્યકરોને સંબોધવા PM મોદી સાંજે હેડક્વાર્ટર જશે