AAP ધારાસભ્ય અમાનતુલ્લા ખાનને મોટી રાહત, દિલ્હી વક્ફ બોર્ડ મની લોન્ડરિંગ કેસમાં જામીન

નવી દિલ્હી, 27 એપ્રિલ: દિલ્હીની રાઉઝ એવન્યુ કોર્ટે શનિવારે આમ આદમી પાર્ટી (AAP)ના ધારાસભ્ય અમાનતુલ્લા ખાનને મોટી રાહત આપી છે. દિલ્હી વક્ફ બોર્ડ સાથે સંબંધિત મની લોન્ડરિંગ કેસમાં આરોપી અમાનતુલ્લાને 15,000 રૂપિયાના અંગત બૉન્ડ પર જામીન મળી ગયા છે. એન્ફોર્સમેન્ટ ડિરેક્ટોરેટ (ED)ના સમન્સ પર AAP ધારાસભ્ય હાજર ન થવા અંગે કોર્ટમાં ફરિયાદ કરવામાં આવી હતી, ત્યારબાદ તેઓ કોર્ટ દ્વારા જારી કરાયેલા સમન્સ પર હાજર થવા આવ્યા હતા. સુનાવણી દરમિયાન કોર્ટે અમાનતુલ્લાને જામીન આપ્યા હતા. કોર્ટમાં આ મની લોન્ડરિંગ કેસની આગામી સુનાવણી 9 મેના રોજ થવાની છે.

#WATCH | Delhi Rouse Avenue court grants bail to AAP MLA Amanatullah Khan in the case registered on the complaint filed by the Enforcement Directorate against him.

The court granted him bail on a personal bond of Rs 15,000 and one surety of like amount.

ED recently had moved a… pic.twitter.com/JiMqTYHmna

— ANI (@ANI) April 27, 2024

EDએ 18 એપ્રિલે પૂછપરછ કરી હતી

તાજેતરમાં, EDએ દિલ્હી વક્ફ બોર્ડમાં ગેરરીતિઓ સંબંધિત મની લોન્ડરિંગ કેસમાં AAP ધારાસભ્યની 12 કલાકથી વધુ સમય સુધી પૂછપરછ કરી હતી. AAP ધારાસભ્ય 18 એપ્રિલે સવારે લગભગ 11 વાગ્યે ED ઓફિસ પહોંચ્યા અને તેમની પૂછપરછ કરવામાં આવી અને એજન્સી દ્વારા તેમનું નિવેદન નોંધવામાં આવ્યું.ઉલ્લેખનીય છે કે, અમાનતુલ્લા ખાન દિલ્હીની ઓખલા વિધાનસભા સીટથી ધારાસભ્ય છે. 2015 અને 2020માં યોજાયેલી વિધાનસભા ચૂંટણીમાં અમાનતુલ્લાએ ઓખલા બેઠક પરથી ચૂંટણી જીતી હતી. તેઓ ઘણીવાર વિવાદોમાં સપડાયા છે. ઉત્તર પ્રદેશના મેરઠમાં જન્મેલા અમાનતુલ્લાહ હંમેશા પોતાના નિવેદનોને કારણે વિરોધીઓના નિશાના પર રહે છે.

EDએ ધારાસભ્યના નિવાસસ્થાને દરોડા પાડ્યા હતા

ધારાસભ્ય અમાનતુલ્લા ખાન સંબંધિત કેસમાં પણ EDએ દરોડા પાડ્યા હતા. EDનો આરોપ છે કે ખાને દિલ્હી વક્ફ બોર્ડમાં ગેરકાયદેસર ભરતીઓ દ્વારા ગુનામાંથી મોટી માત્રામાં રોકડ એકઠી કરી હતી અને તે રકમનો ઉપયોગ તેમના સહયોગીઓના નામે સ્થાવર મિલકત ખરીદવા માટે કર્યો હતો. આ દરોડા અમાનતુલ્લા ખાન દ્વારા 2018-2022 દરમિયાન દિલ્હી વક્ફ બોર્ડના અધ્યક્ષ તરીકેના તેમના કાર્યકાળ દરમિયાન કરવામાં આવેલી ગેરકાયદેસર ભરતી અને વ્યક્તિગત લાભ માટે વકફ મિલકતોની અયોગ્ય લીઝિંગ સંબંધિત કેસમાં હાથ ધરવામાં આવી હતી.

આ પણ વાંચો: AAPમાંથી રાજીનામું આપનાર અલ્પેશ કથીરીયા અને ધાર્મિક માલવિયા ભાજપમાં જોડાશે