આમ આદમી પાર્ટીના રાજ્યસભા સાંસદ રાઘવ ચઢ્ઢા રાજ્યસભામાંથી સસ્પેન્ડ

• રાઘવ ચઢ્ઢા પર અનેક સાંસદોએ નકલી સહી કરવાનો આરોપ લગાવ્યો હતો.
• વિશેષાધિકાર સમિતિના તપાસ રિપોર્ટ આવે ત્યાં સુધી સહેશે સસ્પેન્ડ.

HD ન્યૂઝ ડેસ્ક: આમ આદમી પાર્ટીના રાજ્યસભા સાંસદ રાઘવ ચઢ્ઢાને ગૃહમાંથી સસ્પેન્ડ કરવામાં આવ્યા છે. વિશેષાધિકાર સમિતિનો તપાસ અહેવાલ આવે ત્યાં સુધી તેમને ગૃહમાંથી સસ્પેન્ડ કરવામાં આવ્યા છે. રાઘવ ચઢ્ઢા પર અનેક સાંસદોએ નકલી સહી કરવાનો આરોપ લગાવ્યો હતો.

#WATCH | Rajya Sabha Chairman Jagdeep Dhankhar announces, "…I suspend Raghav Chadha from the service of the Council till the Council has the benefit of the report by the Committee of Privileges." pic.twitter.com/OXMGitpdMQ

— ANI (@ANI) August 11, 2023

વાસ્તવમાં, જે દિવસે રાજ્યસભામાં દિલ્હી સર્વિસિસ બિલ પર મતદાન થયું તે જ દિવસે 5 સાંસદોએ દાવો કર્યો હતો કે તેમની સંમતિ વિના દિલ્હી સર્વિસ બિલને સિલેક્ટ કમિટીને મોકલવાના પ્રસ્તાવમાં તેમના નામનો ઉલ્લેખ કરવામાં આવ્યો હતો. તમામ સાંસદોએ કહ્યું હતું કે તેઓએ એક પણ હસ્તાક્ષર કર્યા નથી, પરંતુ તેમની સહીઓ તેના પર હાજર છે. સાંસદોએ કહ્યું હતું કે તેને સિલેક્ટ કમિટીને મોકલવાનો પ્રસ્તાવ રાઘવ ચઢ્ઢાએ આપ્યો હતો. આ તમામ સાંસદોએ કેન્દ્રીય ગૃહમંત્રી અમિત શાહ પાસે આ મામલાની તપાસની માંગણી કરી હતી.

આ વિવાદ સામે આવતા જ રાજ્યસભાના ઉપસભાપતિ હરિવંશે કહ્યું હતું કે તેની તપાસ કરવામાં આવશે. બીજેડી સાંસદ સસ્મિત પાત્રા, ભાજપના નરહરી અમીન, સુધાંશુ ત્રિવેદી, ફાંગનોન કોનાયક અને ડેપ્યુટી સ્પીકર થમ્બીદુરાઈએ આરોપ લગાવ્યો કે તેમની સહીઓ બનાવટી છે.

આ પણ વાંચો: ભારતીય દંડ સંહિતા ભારતીય ન્યાય સંહિતા બનશે; CRPC સુધારો બિલ લોકસભામાં રજૂ