શિંદે જૂથ પર આદિત્ય ઠાકરેના વાર, કહ્યું-“બળવાખોર ક્યારેય જીતી શકતા નથી”
મહારાષ્ટ્રના મંત્રી અને શિવસેનાના નેતા આદિત્ય ઠાકરેએ મહારાષ્ટ્રમાં રાજકીય સંકટને લઈને બળવાખોરો પર ઉગ્ર નિશાન સાધ્યું છે. આ સાથે, આદિત્ય ઠાકરેએ MVA સરકારના ભવિષ્ય પર પણ પ્રતિક્રિયા આપી. બળવાખોરો અંગે આદિત્ય ઠાકરેએ કહ્યું કે “જેઓ અહીંથી ભાગી ગયા છે અને પોતાને બળવાખોર કહી રહ્યા છે, જો તેઓ બળવો કરવા માંગતા હોય તો તેમણે અહીં જ કરવો જોઈતો હતો.”
Those who ran away from here & are calling themselves rebels, if they wanted to rebel, they should've done it here. They should've resigned & contested election. The 2nd floor test would be when they sit before me, look me in the eye & say what did we do wrong: Aaditya Thackeray pic.twitter.com/xQFz4IzmA6
— ANI (@ANI) June 27, 2022
આદિત્ય ઠાકરેએ કહ્યું કે “તેમણે રાજીનામું આપીને ચૂંટણી લડવી જોઈતી હતી. ફ્લોર ટેસ્ટ ત્યારે થશે જ્યારે તેઓ મારી સામે બેસશે, મારી આંખોમાં જોશે અને અમને કહેશે કે અમે શું ખોટું કર્યું છે. MVA સરકારના વહેલા પતન અંગેની ચર્ચાઓ પર શિવસેનાના નેતાએ કહ્યું કે અમને જીતનો વિશ્વાસ છે. લોકોનો પ્રેમ આપણા બધાની સાથે છે. દગાખોરો, બળવાખોરો ક્યારેય જીતી શકતા નથી. જેઓ દોડે છે તેઓ જીતતા નથી.”
It is his decision. But he will come before us someday, he will have to look us in the eye someday. Let's see: Maharashtra Minister and Shiv Sena leader Aaditya Thackeray on Maharashtra Minister Uday Samant joining Eknath Shinde faction at Guwahati, Assam pic.twitter.com/myARDMK8O3
— ANI (@ANI) June 27, 2022
શિંદે જૂથે કહ્યું- સ્પીકર ફ્લોર ટેસ્ટથી કેમ ડરે છે?
તમને જણાવી દઈએ કે શિંદે જૂથની ગેરલાયકાતની નોટિસ વિરુદ્ધ આપવામાં આવેલી અરજી પર આજે સુપ્રીમ કોર્ટમાં સુનાવણી થઈ હતી. કોર્ટમાં શિંદેના પક્ષના વકીલે પણ કહ્યું કે સ્પીકર ફ્લોર ટેસ્ટથી કેમ ડરે છે? કોર્ટે આ મામલે મહારાષ્ટ્રના ડેપ્યુટી સ્પીકર, મહારાષ્ટ્ર રાજ્ય વિધાનસભાના સચિવ, કેન્દ્ર અને અન્યને નોટિસ પાઠવી છે.
આગામી સુનાવણી 11 જુલાઈના રોજ થશે. તેમજ બળવાખોરોને રાહત આપતા કોર્ટે ડેપ્યુટી સ્પીકર દ્વારા ધારાસભ્યોને જવાબ આપવા માટે આપવામાં આવેલો સમય 11મી જુલાઈના સાંજે 5.30 વાગ્યા સુધી લંબાવ્યો છે.
This is not politics, this has now become a circus: Maharashtra Minister and Shiv Sena leader Aaditya Thackeray on ED summon to Sanjay Raut pic.twitter.com/Rz8oG0BY5X
— ANI (@ANI) June 27, 2022
રાઉતને EDના સમન્સ પર આદિત્ય ઠાકરેએ શું કહ્યું?
શિવસેનાના સાંસદ સંજય રાઉતને EDના સમન્સ પર મહારાષ્ટ્રના મંત્રી આદિત્ય ઠાકરેએ કહ્યું કે આ રાજકારણ નથી, આ હવે સર્કસ બની ગયું છે. આજે એન્ફોર્સમેન્ટ ડિરેક્ટોરેટે શિવસેના સાંસદ સંજય રાઉતને પૂછપરછ માટે સમન્સ જારી કર્યું છે. EDએ તેમને આવતીકાલે એટલે કે 28 જૂને એજન્સી સમક્ષ હાજર થવા અને પ્રિવેન્શન ઓફ મની લોન્ડરિંગ એક્ટ હેઠળ તેમનું નિવેદન નોંધવા કહ્યું છે. EDના આ સમન્સ બાદ શિવસેનાએ વિરોધ પ્રદર્શન કર્યું અને કેન્દ્ર સરકાર પર સરકારી એજન્સીનો દુરુપયોગ કરવાનો આરોપ લગાવ્યો.
