સુરતનો યુવા પોતાના શોખ પુરા કરવા ચોરીના રવાડે ચડ્યો, વેસુ પોલીસે ઝડપી પાડ્યો

• સુરતની વેસુ પોલીસ પેટ્રોલિંગ દરમિયાન બાતમીના આધારે ચોરને ઝડપ્યો
• 12 મોબાઈલની સાથે 3 મોટરસાયકલ મળી આવ્યા

સુરત: શહેરમાં ક્રાઇમની ઘટનામાં સતત વધારો થઈ રહ્યો છે. ત્યારે વેસુ પોલીસ પેટ્રોલિંગમાં હતી ત્યારે બાતમીના આધારે મોબાઈલ સ્નેચિંગ અને વાહન ચોરીની ઘટનાને અંજામ આપતા એક શખ્સની ધરપકડ કરવામાં આવી છે. તેની પાસેથી 12 મોબાઇલ અને 3 મોટરસાયકલ કબજે કરી એક શખ્સને વોન્ટેડ જાહેર કરવામાં આવ્યો છે. જોકે, પકડાયેલો આરોપી પોતાના શોખ પૂરા કરવા માટે આ પ્રકારની ચોરી કરતો હોવાનો ખુલાસો પોલીસ તપાસમાં થયો છે.

સુરતના પાંડેસરા વિસ્તારમાંથી શખ્સ ઝડપાયો

વેસુ પોલીસ સ્ટેશનનો સ્ટાફ પેટ્રોલિંગમાં હતો. તે સમયે પોલીસે બાતમીના આધારે સુરતના પાંડેસરા વિસ્તારમાંથી કમલેશ દેવીપુજક નામના શખ્સને ઝડપી પાડ્યો હતો. આરોપી પાસેથી અલગ-અલગ કંપનીના 12 મોબાઈલ તેમજ ત્રણ બાઇકનો મુદ્દામાલ કબજે કરવામાં આવ્યો છે. આ ઉપરાંત રોહિત દેવીપુજક નામના એક શખ્સને વોન્ટેડ જાહેર કરવામાં આવ્યો છે.

12 મોબાઈલની સાથે 3 મોટરસાયકલ મળી આવ્યા

પોલીસે કમલેશ દેવીપુજકની ધરપકડ કરી તેની પાસેથી 12 મોબાઈલ તેમજ 3 મોટરસાયકલ મળી કુલ 1,59,000નો મુદ્દામાલ રિકવર કર્યો છે. પકડાયેલા આરોપી ભૂતકાળમાં આવી કઈ ઘટનાઓમાં છે તે દિશામાં પણ પોલીસે તપાસ શરૂ કરી છે. તપાસ દરમિયાન હજુ પણ અનેક વાહન ચોરીના મોબાઈલ ચોરીના ગુના ઉકલે તેવી આશંકા પણ પોલીસે વ્યક્ત કરી છે.

આ પણ વાંચો: ‘મેં હજુ લગ્ન નથી કર્યા..’, રાઘવ સાથે લગ્નના સવાલ પર પરિણીતીની પ્રતિક્રિયા