વડોદરા નજીક કામરોલ ગામે મહિલાને વિશ્વામિત્રી નદીમાં મગર ખેંચી ગયો
- ફોરેસ્ટ વિભાગે ફાયર બ્રિગેડની મદદ લીધી
- માંગરોલ ગામ સુધી શોધખોળ કરવામાં આવી રહી છે
- બનાવ બનતા ગામ લોકો ભેગા થઈ ગયા હતા
વડોદરા નજીક કામરોલ ગામે મહિલાને મગર ખેંચી ગયો છે. જેમાં ફાયર વિભાગને જાણ કરાતા તાત્કાલિક શોધ શરૂ કરવામાં આવી છે. શહેરમાં વિશ્વામિત્રી નદીમાં મગરે વધુ એક વ્યક્તિનો શિકાર કર્યો હોવાનો બનાવ બનતા ફોરેસ્ટ વિભાગે ફાયર બ્રિગેડની મદદ લીધી છે.
બનાવ બનતા ગામ લોકો ભેગા થઈ ગયા હતા
વડોદરા પાસેના કામરોલ ગામેથી પસાર થતી વિશ્વામિત્રી નદીમાં વારંવાર મગરો દેખા દેતા હોય છે. અહીં ખેતરો સાચવવા માટે કેટલાક શ્રમજીવી પરિવારો પણ રહેતા હોય છે. ગઈકાલે મોડી સાંજે મેઘલીબેન નામની મહિલા એક ઢોર સામે કિનારે જતું રહેતા તેને લેવા નદી ક્રોસ કરતી હતી દરમિયાન એક મગર તેને નદીમાં ખેંચી ગયો હોવાનો બનાવ બનતા ગામ લોકો ભેગા થઈ ગયા હતા.
માંગરોલ ગામ સુધી શોધખોળ કરવામાં આવી રહી છે
બનાવની જાણ ફોરેસ્ટ વિભાગને કરાતા ફાયર બ્રિગેડની મદદ લેવામાં આવી છે. પાણીગેટ ફાયર બ્રિગેડની ટીમ દ્વારા કામરોલ, કોટાલી તેમજ માંગરોલ ગામ સુધી શોધખોળ કરવામાં આવી રહી છે. તેમ છતાં હજુ સુધી મહિલાની કોઇ જાણકારી મળી નથી.
આ પણ વાંચો: મહાકુંભમાં 30 લાખ જેટલાં ગુજરાતી યાત્રિકોએ શાહી સ્નાનનો લાભ લીધો
