માતા અને ભાઈ સાથે સારા અલી ખાનનો બર્થડે સેલિબ્રેશન કરતો વીડિયો થયો વાયરલ

સારા અલી ખાને શનિવારે તેનો 28મો જન્મદિવસ ઉજવ્યો અને મધ્યરાત્રિએ તેણે તેની માતા અમૃતા સિંહ અને ભાઈ ઈબ્રાહિમ અલી ખાન સાથે જન્મદિવસની નાની ઉજવણી કરી હતી.શનિવાર અભિનેત્રી તેની માતા અમૃતા સિંહ અને ભાઈ ઈબ્રાહિમ અલી ખાન સાથે કેક કાપતી જોવા મળી. અભિનેત્રીએ તેના ઇન્સ્ટાગ્રામ એકાઉન્ટ પર જન્મદિવસની ઉજવણીના ફોટા પણ શેર કર્યા છે.સારાએ તેની ઇન્સ્ટાગ્રામ સ્ટોરી પર તેના જન્મદિવસની ઉજવણીનો ફોટો શેર કર્યો છે.

જેમાં તે તેની કેકથી ડરી ગયેલી જોવા મળી રહી છે. વીડિયો શેર કરતા સારાની મિત્ર પલક મિસ્ત્રીએ લખ્યું કે, ‘આ છોકરી તેના જન્મદિવસની કેક સિવાય કોઈથી ડરતી નથી’. કરીના કપૂર ખાને પણ સારાને જન્મદિવસની શુભેચ્છા પાઠવી હતી. કરીનાએ સૈફ અલી ખાન સાથે સારાની એક તસવીર પોસ્ટ કરી છે જેમાં તે તેના સુંદર, હાથ વડે કંઈક ખવડાવી રહી છે. કરીનાએ બીજી એક તસવીર પોસ્ટ કરી છે જેમાં તેનો પુત્ર જેહ પણ આ જ રીતે સારાને કંઈક ખવડાવી રહ્યો છે.સારા અલી ખાનની સુંદરતાની સાથે લોકો તેની એક્ટિંગના પણ દીવાના છે.

આજે 12 ઓગસ્ટ 2023ના રોજ સારા 28 વર્ષની થઈ ગઈ છે. સારા અલી ખાન તાજેતરમાં જરા હટકે ઝરા બચકેમાં જોવા મળી હતી, આ ફિલ્મે થિયેટરોમાં સારું કલેક્શન કર્યું હતું. આમાં તે એક્ટર વિકી કૌશલ સાથે જોવા મળી હતી. હવે ચાહકો સારાની આગામી ફિલ્મ ‘મેટ્રો ઇન દિનન’ની આતુરતાથી રાહ જોઈ રહ્યા છે.

આ પણ વાંચો : Gadar 2 Vs OMG 2 : બીજા દિવસે Gadar 2નો દબદબો યથાવત, OMG 2 રેસમાંથી બહાર