બિહારમાં ગુનેગારો બેખૌફ બની ગયા હોય તેવું લાગી રહ્યું છે. પટનામાં કોચિંગમાંથી પરત ફરી રહેલી વિદ્યાર્થિની પર એક શખ્સે ફાયરિંગ કર્યાની ઘટના ઘટી છે. સગીરા બેઉર પોલીસ સ્ટેશન વિસ્તારના સિપારા વિસ્તારમાં કોચિંગથી પરત ફરી રહી હતી, ત્યારે પહેલાથી ત્યાં તેની રાહ જોઈ ઉભા રહેલા શખ્સે પાછળથી ગોળી મારી દીધી હતી. ત્યારબાદ, ગંભીર રીતે ઘાયલ થયેલી સગીરાને હોસ્પિટલમાં દાખલ કરવામાં આવી હતી, હાલ તેની તબિયત નાજુક છે.
પોલીસના જણાવ્યા અનુસાર ગોળી સગીરાના ગળામાં ફસાઈ ગઈ હતી. ડોકટરો ગોળી કાઢવાનો પ્રયાસ કરી રહ્યા છે. સગીરાની સારવાર બાયપાસ પાસેના ખાનગી નર્સિંગ હોમમાં ચાલી રહી છે.
Bihar| A vegetable vendor’s daughter shot yesterday in Indrapuri locality of Sipara area of Beur PS in Patna. Injured girl who was shot in the neck is undergoing treatment in a private hospital. Matter is being said to be a love affair: Patna Police
(Visuals: CCTV footage) pic.twitter.com/kHbddcU2L1
— ANI (@ANI) August 18, 2022
ઘટના CCTVમાં કેદ
વિદ્યાર્થિનીને ગોળી મારવાની ઘટના સીસીટીવીમાં કેદ થઈ ગઈ છે. સીસીટીવીમાં સ્પષ્ટપણે જોઈ શકાય છે કે- સગીરા કોચિંગમાંથી પરત ફરી રહી હોય છે. તે સમયે હાથમાં બંદૂક લઈ આરોપી ઉભો હોય છે. જો કે સગીરાનું ધ્યાન તેની પર પડતું નથી. સગીરા ચાલીને જતી હોય છે તે જ સમયે પાછળથી આરોપી ફાયરિંગ કરે છે. ગોળી વાગતા સગીરા ત્યાં જ પડી જાય છે. તો બીજી તરફ ફાયરિંગ કરી આરોપી ફરાર થઈ જાય છે.
પોલીસ કરી રહી છે તપાસ
ઘટના બાદ પોલીસ પર મોડી પહોંચવાનો આરોપ લગાવવામાં આવી રહ્યો છે. સગીરાના પરિવારજનોનું કહેવું છે કે પોલીસ ફોન પર જ માહિતી લેતી રહી પરંતુ તાત્કાલિક સ્થળ પર પહોંચી ન હતી. આ મામલે તપાસ કરી રહેલી પોલીસે આ ઘટનાને અંજામ આપનાર યુવકની ઓળખ કરી લીધી છે. જો કે હજુ સુધી તેની ધરપકડ કરવામાં આવી નથી. પોલીસનું કહેવું છે કે પ્રાથમિક તપાસમાં આ સમગ્ર મામલો પ્રેમ પ્રકરણનો હોવાનું બહાર આવ્યું છે. સગીરાના નિવેદન અને આરોપીની પૂછપરછ બાદ જ બધું સ્પષ્ટ થશે.
