નવી દિલ્હીઃ શુક્રવારે એક તબીબી કંપનીએ મંકીપોક્સ વાયરસ માટે રીઅલ ટાઇમ RT-PCR આધારિત કીટ વિકસાવવાની જાહેરાત કરી છે. ટ્રિવિટ્રોન હેલ્થકેરની સંશોધન અને વિકાસ ટીમે મંકીપોક્સ વાયરસની તપાસ માટે આરટી-પીસીઆર આધારિત કીટ વિકસાવી છે. ટ્રિવિટ્રોનની મંકીપોક્સ રીઅલ ટાઇમ આરટી પીસીઆર કીટ ચાર રંગની ફ્લોરોસેન્સ આધારિત કીટ છે. જેમાં એક ટ્યુબમાં શીતળા અને બીજી ટ્યુબમાં મંકીપોક્સના ટેસ્ટ કરી શકાય છે અને તેમના વચ્ચેનો તફાવત જાણી શકાય છે. તેવું કંપનીએ જણાવ્યું છે.
મંકીપોક્સની લેબોરેટરી પુષ્ટિ માટે WHOએ ચામડીના જખમનો નમૂનો આપ્યો છે. જેમાં જખમની સપાટી અને એક્ઝેક્યુટેડ એક કરતાં વધુ જખમમાંથી છત અથવા જખમના પોપડાંનો સમાવેશ થાય છે. તેથી VTMમાં મૂકવામાં આવેલા સૂકા સ્વેબ સહિતનો ઉપયોગ કરી શકાય છે. તેવું કંપનીએ ઉમેર્યું હતું.
દરમિયાન વિશ્વભરમાં મંકીપોક્સના કેસોની ઓળખ કરવામાં આવી રહી છે. ભારતીય તબીબી સંશોધન પરિષદના અધિકારીએ આ મામલે જણાવ્યું હતું કે, બિન સ્થાનિક દેશોમાં વધતા ચેપને ધ્યાનમાં રાખીને ભારત તૈયાર છે. જો કે, અત્યાર સુધી દેશમાં કોઈ કેસ નોંધાયો નથી.
