Twitterને ટક્કર આપવા માટે આવી રહી છે નવી એપ, જાણો શું ફીચર્સ હશે

એલન મસ્ક દ્વારા Twitterને ટેકઓવર કરવામાં આવ્યું ત્યારથી તે સતત હેડલાઈન્સમાં છે. ક્યારેક કર્મચારીઓને ઓફિસમાંથી બહાર કાઢવામાં આવે છે, તો ક્યારેક પ્લેટફોર્મ નીચે. ટેકઓવર બાદથી, એલોન મસ્કે કંપનીના 75% કર્મચારીઓને કાઢી મૂક્યા છે. આ બધું હોવા છતાં, Twitter એ એકમાત્ર પ્લેટફોર્મ છે જેમાં લોકોએ ઇન્સ્ટન્ટ ટેક્સ્ટ શેર કરવાનું હોય છે. પરંતુ આ દરમિયાન, સમાચાર આવી રહ્યા છે કે Facebook, Instaની પેરેન્ટ કંપની Meta Twitter સાથે સ્પર્ધા કરવા માટે એક નવી એપ્લિકેશન પર કામ કરી રહી છે, જે ડિસેન્લાઈઝટ્રે હશે. તેનું કોડ નેમ P92 રાખવામાં આવ્યું છે. માહિતી અનુસાર, કંપની આ એપનું બ્રાન્ડિંગ Instagram હેઠળ કરશે અને લોકો Instagram આઈડી અને પાસવર્ડની મદદથી આ એપમાં લોગઈન કરી શકશે.

હાલમાં આ એપ પર કામ ચાલી રહ્યું છે. એવું કહેવામાં આવી રહ્યું છે કે Twitterની જેમ આ એપ પર પણ લોકો ટેક્સ્ટ, વીડિયો, લોકોને ફોલો કરવા વગેરે જેવી વસ્તુઓ કરી શકશે. એપ સાથે જોડાયેલી બાકીની માહિતી કંપની આવનારા સમયમાં જાહેર કરી શકે છે. જો Meta નવી એપ લાવે છે, તો Twitterને મજબૂત ટક્કર મળશે કારણ કે Twitter સતત ઘણી ટેકનીકલ સમસ્યાઓનો સામનો કરી રહ્યું છે અને લોકો તેનો વિકલ્પ ઇચ્છે છે.

આ પણ વાંચો : વધુ એક છટણી ! હવે Facebook પેરન્ટ કંપની Meta આટલા કર્મચારીઓને દેખાડશે બહારનો રસ્તો

Twitterના CEO નવી એપ લાવ્યા છે

Twitterના સ્થાપક અને ભૂતપૂર્વ CEO જેક ડોર્સી પણ Blue Sky નામની નવી એપ લઈને આવ્યા છે. આ એપ પણ બિલકુલ Twitter જેવી જ દેખાય છે અને હાલમાં Apple App Store પર ઉપલબ્ધ છે. જ્યાં Twitter યુઝર્સને ‘શું થઈ રહ્યું છે’નો મેસેજ બતાવે છે, ત્યાં જૅક ડોર્સીની નવી એપ ‘What’s up’ પર ફોકસ કરે છે. હાલમાં આ એપ કેટલાક લોકોને ટેસ્ટિંગ માટે ઓફર કરવામાં આવી રહી છે.

આ પણ વાંચો : ફેસબુકની હોમ સ્ક્રીન ટિકટોક જેવી દેખાશે, METAએ કર્યો મોટો ફેરફાર

Twitterને ગતવર્ષે $44 બિલિયનમાં ખરીદવામાં આવ્યું હતું

એલેન મસ્કે ગતવર્ષે ઓક્ટોબરમાં Twitterને $44 બિલિયનમાં ખરીદ્યું હતું. Twitter ખરીદ્યા પછી, એલન મસ્કે કંપનીના CEO, CFO અને પોલિસી હેડ સહિત હજારો કર્મચારીઓને નોકરીમાંથી કાઢી મૂક્યા. ટેકઓવર પછી, Twitter સતત મંદીમાંથી પસાર થઈ રહ્યું છે અને હવે અન્ય કંપનીઓ અથવા લોકો આનો લાભ લેવા માંગે છે.