પાલનપુર ખાતે અચૂક મતદાન માટે સામુહિક સિગ્નેચર અભિયાન શરૂ કરાયું

પાલનપુર : વિધાનસભા સામાન્ય ચૂંટણી -2022 અન્વયે તા.5 મી ડિસેમ્બર 2022 ના રોજ બનાસકાંઠા જિલ્લામાં નવ વિધાનસભા મતવિસ્તારમાં ચૂંટણી યોજાનાર છે. ચૂંટણીમાં વધુને વધુ મતદાન અંગે મતદાતાઓમાં જાગૃતિ કેળવાય એ માટે તા .19 નવેમ્બરના રોજ મામલતદાર કચેરી પાલનપુર ખાતે ખાતે અચૂક મતદાન સંદર્ભે 12 – પાલનપુર વિધાનસભા મતદાર વિભાગના ચૂંટણી અધિકારી અને પ્રાંત અધિકારી સુશીલ પરમારે પ્રથમ સિગ્નેચર કરી સામૂહિક સિગ્નેચર અભિયાનનો શુભારંભ કરાવી 12 – પાલનપુર વિધાનસભા મતદાર વિભાગના કુલ –282 મતદાન મથકો ખાતે અચૂક મતદાન કરવા મતદારોને અપીલ કરી હતી.

પ્રાંત અધિકારી સુશીલ પરમારે અચૂક મતદાન કરવા મતદારોને અપીલ કરી

ત્યારબાદ મદદનીશ ચૂંટણી અધિકારી અને મામલતદાર , પાલનપુર ( તાલુકા ) તેમજ મામલતદાર પાલનપુર ( શહેર ) અને કચેરીના તમામ સ્ટાફ દ્વારા સામૂહિક સિગ્નેચર અભિયાનમાં સિગ્નેચર કરીને ભાગ લઈને ભારતના બંધારણને સાક્ષી માનીને આગામી ગુજરાત વિધાનસભા સામાન્ય ચૂંટણીમાં કોઈપણ ધર્મ , જાતિ , ભાષાના ભેદભાવથી દુર રહીને અચુક મતદાન કરીને લોકશાહીના અવસરને ઉજવવા પ્રતિજ્ઞા લેવામાં આવી હતી. આ પ્રસંગે કચેરીમાં આવતા નાગરીકોમાં અવશ્ય મતદાન કરવા બાબતની મતદાન જાગૃતિની થીમ અંગેની સ્ટેન્ડી પ્રદર્શિત કરવામાં આવી હતી.

આ પણ વાંચો : ‘આ ચૂંટણી 5 માટે નહીં, પરંતુ આગામી 25 વર્ષ માટે છે’, PM મોદીનો બોટાદમાં હુંકાર