ગુજરાત ચુંટણી 2022 : ડીસામાં કેજરીવાલની સભા પહેલા પોસ્ટર ફાડી તેમજ સળગાવી દેવાતા કાર્યકરોમાં ભારે આક્રોશ
પાલનપુર : ડીસામાં આજે આમ આદમી પાર્ટીના રાષ્ટ્રીય સંયોજક અરવિંદ કેજરીવાલની સભા પહેલા પોસ્ટર ફાડી સળગાવી દેતા આપના કાર્યકરોમાં ભારે આક્રોશ ફેલાયો હતો. મોડી રાત્રે પોસ્ટરો સલગાવતા આપના કાર્યકર્તાઓએ ઘટના સ્થળે પહોંચી પોલીસને ફરિયાદ કરી હતી. અને હવે ભાજપ જો આવી હરકત કરશે તો ઈંટ નો જવાબ પથ્થરથી આપવાની ચેલેન્જ કરી હતી.
ડીસા ઉત્તર પોલીસ ઘટના સ્થળે આવી પહોંચી
ડીસામાં આજે AAP ના રાષ્ટ્રીય સંયોજક અરવિંદ કેજરીવાલ અને પંજાબના મુખ્યમંત્રી ભગવંત માનની જાહેર સભા યોજાનાર છે. તે પૂર્વેજ મોડી શહેરના માર્ગ ઉપર લગાવેલા અરવિંદ કેજરીવાલ ના પોસ્ટરો ફાડી ને સળગાવી દેવાયા હતા.મોડી રાત્રે બનેલી આ ઘટના ની જાણ થતાં AAP ના ઉમેદવાર ડો. રમેશ પટેલ અને ભેમાભાઈ ચૌધરી સહિત કાર્યકર્તાઓ ઘટના સ્થળે પહોંચ્યા હતા અને આ બનાવ અંગે જાણ કરતા ડીસા ઉત્તર પોલીસ પણ ઘટના સ્થળે આવી પહોંચી હતી.
AAP ના કાર્યકરોમાં ભારે આક્રોશ
ભાજપના લોકો દ્વારા પોસ્ટરો ફાડી ને સળગાવી દેતા AAP ના કાર્યકરોમાં ભારે આક્રોશ ફેલાયો હતો. આ અંગે ડોક્ટર રમેશ પટેલે જણાવ્યું હતું કે રાત્રે 2:00 વાગે ઊઠીને ભાજપના કાર્યકરોએ પોસ્ટર ફાડી દેવા પડે એ તેમની 27 વર્ષના શાસન ની નિષ્ફળતા છે.
અરવિંદ કેજરીવાલની સભા પહેલા આમ આદમી પાર્ટીના પોસ્ટર ફાડી તેમજ સળગાવી દેતા કાર્યકરોમાં ભારે આક્રોશ , ડીસા ઉત્તર પોલીસ ઘટના સ્થળે#AAP #AAPGujarat #gujaratgovernment #GujaratElections #election #ArvindKejriwal #poster #posters #TORN #Burn #PartyWorkers #Angry #Humdekhengenews pic.twitter.com/Wt12zyv7NP
— Hum Dekhenge News (@humdekhengenews) October 17, 2022
ભાજપે આવી હરકત કરતા શરમ આવવી જોઈએ અને હવે જો ભાજપ દ્વારા આવી હરકત કરવામાં આવશે તો અમે ઇંટનો જવાબ પથ્થરથી આપીશું તેની ખાત્રી આપું છું, છેલ્લે એ પણ વિનંતી કરી હતી ભાજપ પાસે બીજા કોઈ કામ બચ્યા નથી એટલે એમના આકાઓના લેંઘા ઝભ્ભા ધોવાના હોય એ ધોઈ નાખો કારણ કે બે મહિના પછી આમ આદમી પાર્ટી ની સરકાર બનાવની છે.
આ પણ વાંચો : પાલનપુર : ડીસામાં ઓવરબ્રિજના ડિવાઈડર સાથે ટ્રક અથડાતા ચાલકનું મોત
