પંજાબના CM ભગવંત માનના હેલિપેડ પાસેથી જીવંત બોમ્બ મળ્યો, સમગ્ર વિસ્તાર સીલ કરાયો

પંજાબના મુખ્યમંત્રી ભગવંત માનના નિવાસસ્થાન પાસે સોમવારે એક જીવંત બોમ્બનો શેલ મળી આવ્યો હતો. આ જીવંત બોમ્બ શેલ ચંદીગઢના કંસલમાં કેરીના બગીચામાંથી મળી આવ્યો હતો. આ પછી પોલીસે સમગ્ર વિસ્તારને સીલ કરી દીધો છે. આ જીવંત બોમ્બ શેલ પંજાબ અને ચંદીગઢની સરહદની અંદર મળી આવ્યો છે, જ્યાંથી તે મળી આવ્યો છે, ત્યાં પંજાબ અને હરિયાણાના મુખ્યમંત્રીઓનું હેલિપેડ છે. આ સાથે હરિયાણા અને પંજાબના મુખ્યમંત્રીનું નિવાસસ્થાન માત્ર બે કિલોમીટર દૂર છે. આ મામલે એડીજીપી એકે પાંડેએ કહ્યું કે તે મિસફાયર બોમ્બ શેલ હોય તેવું લાગે છે. આમાં કોઈ ખતરો નથી. અહીંથી મુખ્યમંત્રી આવાસનું અંતર લગભગ બે કિલોમીટર જેટલું છે. તેમણે કહ્યું કે શક્ય છે કે આ બોમ્બ શેલ નજીકની જંક શોપમાંથી અહીં આવ્યા હોય ચંદીગઢ પોલીસે આ મામલે સેનાને જાણ કરી છે. આર્મીની ટીમ ટૂંક સમયમાં અહીં પહોંચશે.

બોમ્બ સ્ક્વોડની ટીમ પહોંચશે અને નિષ્ક્રિય કરશે

આ પહેલા ચંદીગઢ પોલીસના સિવિલ ડિફેન્સ નોડલ ઓફિસર કુલદીપ કોહલીએ જણાવ્યું હતું કે નયાગાંવના કંસલ અને ટી પોઈન્ટની વચ્ચે કેરીના બગીચામાંથી એક જીવંત બોમ્બ શેલ મળી આવ્યો હતો. આર્મી બોમ્બ સ્ક્વોડે કહ્યું હતું કે અમને જ્યાંથી આ જીવતો બોમ્બ મળ્યો છે તે વિસ્તારને સંપૂર્ણ રીતે સીલ કરી લેવામાં આવ્યો છે. તેમણે કહ્યું કે ટૂંક સમયમાં જ આર્મી બોમ્બ સ્ક્વોડ અહીં પહોંચશે અને બોમ્બને નિષ્ક્રિય કરવામાં આવશે. જે બાદ આ જીવંત બોમ્બ અહીં ક્યાંથી પહોંચ્યો તેની તપાસ કરવામાં આવશે.