ડીસામાં પંજાબના મુખ્યમંત્રી ભગવંત માનનો વિશાળ રોડ શો યોજાયો

પાલનપુર : આમ આદમી પાર્ટીના ઉમેદવાર ડો. રમેશભાઈ પટેલના સમર્થનમાં વિશાળ રોડ શો યોજાયો હતો.જેમાં મોટી સંખ્યામાં જનમેદની ઉમટી પડી હતી.

બનાસકાંઠામાં ચૂંટણીનો માહોલ હવે જામી રહ્યો છે. પ્રચાર પણ અંતિમ તબક્કામાં પહોંચ્યો છે. ત્યારે ઉમેદવારોના રોડ શો હવે શરૂ થયા છે. જેમાં બુધવારે બપોરે ડીસા સાંઈબાબા મંદિર સર્કલ થી ફુવારા સર્કલ સુધી પંજાબના મુખ્યમંત્રી ભગવંત માન નો રોડ શો યોજયો હતો. જેમને આ દરમિયાન ભાજપ અને કોંગ્રેસ પક્ષ પર કર્યા આકરાં પ્રહારો કર્યા હતા.

આ પણ વાંચો : મારા જેવા ગરીબના દીકરાને કોંગ્રેસે પ્રદેશ અધ્યક્ષ બનાવ્યો: જગદીશ ઠાકોર

તેમને દિલ્હી અને પંજાબની જેમ ગુજરાતમાં પરીવર્તન લાવવા અને ડીસા વિધાનસભા ઉમેદવાર ડો. રમેશભાઈ પટેલને જંગી બહુમતીથી જીતાડવા માટે ઝાડુના નિશાન પર બટન દબાવી વિજય બનાવવા અપીલ કરી હતી. જ્યારે આમ આદમી પાર્ટીના ડીસા વિધાનસભાના ઉમેદવાર ડો. રમેશભાઈ પટેલ દ્વારા પણ‌ હજારોની સંખ્યામાં જનમેદની વચ્ચે ફુવારા સર્કલ થી રીસાલા બજાર એસ. સી. ડબલ્યુ. હાઈસ્કૂલ થી અંબિકા ચોક, કચ્છી કોલોની અને હવાઈ પિલ્લર મેદાન સુધી પગપાળા ડોર ટુ ડોર પ્રચાર કરી લોકોનું અભિવાદન ઝીલી વોટ આપવા અપીલ સાથે વિનંતી કરી હતી.