મહાશિવરાત્રી પર અજય દેવગનની ફિલ્મ ‘ભોલા’ ના શુટિંગની ઝલક આવી સામે
અજયના ફેન્સ બોલિવૂડ એક્ટર અજય દેવગનની ફિલ્મ ‘ભોલા’ કે જેની ફેન્સ આતુરતાથી રાહ જોઈ રહ્યા છે. અજયની આ ફિલ્મ એક્શન અને થ્રિલરનો ડબલ ડોઝ છે. આ ફિલ્મમાં અભિનેતા એક અલગ જ રૂપમાં જોવા મળશે. અજય દેવગન સ્ટારર ફિલ્મ ‘ભોલા’ 30 માર્ચે સિનેમાઘરોમાં રિલીઝ થશે. બોલિવૂડના ‘સિંઘમ’ એ આજે મહાશિવરાત્રી પર પોતાના સોશિયલ મીડિયા એકાઉન્ટ પર ફિલ્મના શૂટિંગની કેટલીક તસવીરો શેર કરી છે.
આ તસવીરો શેર કરતાં અજયે કેપ્શન દ્વારા શૂટિંગ દરમિયાનનો પોતાનો અનુભવ શેર કર્યો છે. અભિનેતાએ લખ્યું કે કેટલીકવાર કોઈ નિર્દેશક અવાસ્તવિક, મંત્રમુગ્ધ કરતી ફ્રેમની રાહ જુએ છે અને એક દિવસ તેને તે મળી જાય છે. હું તે દિવસે બનારસમાં મહાઆરતીનું શૂટિંગ કરી રહ્યો હતો. તે દરમિયાન મને મારી અંદર જબરદસ્ત ઊર્જાનો અનુભવ થયો. આ ઊર્જા માત્ર અનુભવી શકાય છે. એ અનુભવ ભાગ્યે જ વ્યક્ત કરી શકાય. સ્થળ પર લોકોની આધ્યાત્મિક ઉર્જા અને વિદ્યુતીય ઓરા બધા એક ફ્રેમમાં ભેગા થઈ ગયા. જેમ જેમ ટોળાએ ‘હર હર મહાદેવ’ ના નારા લગાવ્યા, ત્યારે મને મારી ચારે બાજુ દૈવી ઉર્જાનો અનુભવ થયો. આજે મહાશિવરાત્રિ પર હું મારી ફિલ્મ ભોલાના શૂટિંગની કેટલીક તસવીરો શેર કરી રહ્યો છું. તમે તેમાં અદ્ભુત ઉર્જા જોશો… હર હર મહાદેવ!
View this post on Instagram
અજય દેવગન શિવનો પરમ ભક્ત છે. તે બાળપણથી જ ભગવાન શિવની પૂજા કરે છે. અજયની શિવ પ્રત્યે અતૂટ ભક્તિ છે. બોલિવૂડના સિંઘમે પોતાની છાતી પર મહાદેવનું ટેટૂ કરાવ્યું છે. અજય ઘણી ફિલ્મોમાં પોતાના ટેટૂઝ બતાવતો જોવા મળ્યો છે. અજયના ફેન્સને તેનું આ ટેટૂ ખૂબ જ પસંદ છે.
અભિનેતા અજય દેવગન મહાદેવનો એટલો મોટો ભક્ત છે કે તેણે પોતાના ઘરનું નામ પણ ‘શિવ શક્તિ’ રાખ્યું છે. અજયને બાબા મહાકાલ પ્રત્યે વિશેષ ભક્તિ છે. વર્ષ 2016માં અજયની ફિલ્મ ‘શિવાય’ આવી હતી. આ ફિલ્મમાં તેનું નામ પણ શિવાય હતું.
અજય દેવગનની આગામી ફિલ્મ ‘ભોલા’ 30 માર્ચે સિનેમાઘરોમાં રિલીઝ થશે. આ ફિલ્મમાં અભિનેત્રી તબ્બુ પણ મહત્વના રોલમાં જોવા મળશે.
