સુરતમાં ATMમાંથી નાણાં તફડાવતી ગેંગ ઝડપાઈ
- ડિસ્પેન્સરમાં પટ્ટી ફિટ કરી નાણાં તફડાવતા હતા
- બે આરોપીની ધરપકડ કરવામાં આવી છે
- ઉધના પોલીસના હાથે મોટી સફળતા લાગી
સુરતમાં ATMમાંથી નાણાં તફડાવતી ગેંગ ઝડપાઈ છે. જેમાં બે આરોપીની ધરપકડ કરી પોલીસે પૂછપરછ હાથ ધરી છે. ત્યારે શહેરના ATMમાં રૂપિયા ઉપાડવા જતા હોય તો સાવધાન રહેજો. કારણ કે આરોપીઓ ATMના ડિસ્પેન્સરમાં પટ્ટી ફિટ કરી નાણાં તફડાવતા હતા. તેમાં ગેંગ સામે વિવિધ વિસ્તારોમાં નાણાં તફડાવવાના ગુના નોંધાયા છે.
આ પણ વાંચો: રાજકોટ ગેમઝોન અગ્નિકાંડમાં અત્યાર સુધી 24 મૃતકોના DNA મેચ થયા
ઉત્તર પ્રદેશના તિવારી નામના શખ્સે ગેંગેને ટેક્નિક શીખવી
ઉલ્લેખનીય છે કે ઉત્તર પ્રદેશના તિવારી નામના શખ્સે ગેંગેને ટેક્નિક શીખવી હતી. તેમાં હવે બે આરોપીની ધરપકડ કરી પોલીસે પૂછપરછ હાથ ધરી છે. ઉધના પોલીસના હાથે મોટી સફળતા લાગી છે. જેમાં ATM મશીનના કેસ ડિસ્પેન્સરમાં પટ્ટી ફિટ કરી નાણાં તફડાવતી ગેંગ ઝડપાઇ છે. ટોળકી સામે ઉધના, સચિન જીઆઇડીસી, પલસાણા અને કામરેજમાં 7 ગુના નોંધાય ચુક્યા છે.યુપીના તિવારીએ બે મહિના પહેલા જ ટેક્નિક શીખવી હતી. તેમાં બન્ને આરોપીઓની પૂછપરછમાં હજી ગુનાઓની કબૂલાત થાય તેવી શકયતા છે.
છેતરપિંડી કરનારાઓ તમારું ATM બહાર કાઢી લે છે
એક સમય હતો જ્યારે લોકોને પૈસા ઉપાડવા માટે બેન્કમાં જવું પડતું હતું.લાઇનમાં ઊભા રહેવું પડતું હતું પણ હવે એવું નથી. હવે લોકો ATMની મદદથી પૈસા ઉપાડે છે.પરંતુ ઘણી વખત એટીએમ ફ્રોડના કેસ આવતા રહે છે. આવી જ એક છેતરપિંડી આજકાલ લોકો સાથે થઈ રહી છે. આ છેતરપિંડીમાં જ્યારે લોકો કાર્ડનો ઉપયોગ કરે છે ત્યારે તેમનું કાર્ડ એટીએમ મશીનમાં જ ફસાઈ જાય છે. આવી પરિસ્થિતિઓમાં છેતરપિંડી કરનારાઓ તમને મદદ કરવાના ખોટા દાવા કરે છે.અને તમારી બેન્કમાં જઈને ફરિયાદ કરવાનું સૂચન કરે છે. પરંતુ જેમ જ તમે એટીએમમાંથી બહાર નીકળો છો. છેતરપિંડી કરનારાઓ તમારું ATM બહાર કાઢી લે છે અને તમારા ખાતામાંથી પૈસા ઉપાડી લે છે. જો તમે ATMમાંથી પૈસા ઉપાડવા ગયા હોવ અને તમારું ATM કાર્ડ મશીનમાં ફસાઈ ગયું હોય. તો આવા લોકોના ભરોસે તમારુ કાર્ડ મશીનમાં છોડીને બહાર ન નીકળવું જોઈએ.
તમારી બેન્કની એપનો ઉપયોગ કરી શકો છો
જો તમને લાગે કે તમારું એટીએમ કાર્ડ મશીનમાંથી બહાર આવી શકતું નથી. જો તે તેમાં ફસાઇ જાય ત્યારે પહેલા તેને બ્લોક કરી દો. આ માટે જો તમે ઇચ્છો તો તમે તમારી બેન્કની એપનો ઉપયોગ કરી શકો છો અથવા તમે કસ્ટમર કેરમાં ફોન કરીને કાર્ડને બ્લોક કરાવી શકો છો. જો તમારું કાર્ડ બ્લોક થઈ જશે તો એટીએમમાં હાજર છેતરપિંડી કરનાર વ્યક્તિ તમારા કાર્ડનો ઉપયોગ કરીને તમારી સાથે છેતરપિંડી કરી શકશે નહીં.
