પાલનપુર : ડીસાના ગવાડી વિસ્તારમાં ભંગારમાં લાગી આગ

ડીસાના રાજપુર ગવાડી વિસ્તારમાં આવેલા વ્હોળામાં ગઈ મોડી રાત્રે ભંગારના સામાનમાં અચાનક આગ લાગતાં અફરા-તફરી મચી હતી. ડીસા નગરપાલિકાના ફાયર ફાઈટરની ટીમે ઘટના સ્થળે પહોંચી આગને કાબુમાં લીધી હતી. ડીસાના રાજપુર ગવાડી વિસ્તારમાં રાજપુર વ્હોળામાં આજુબાજુ ભંગારના વેપારીઓના વાડા આવેલા છે.

વેપારીઓ નકામો ભંગાર વ્હોળામાં ફેકે છે. જેમાં વ્હોળામાં પડેલા ભંગારના સામાનમાં મંગળવારની મોડી રાત્રે અચાનક આગ લાગી હતી. આગ લગતા ઘટના સ્થળે લોકોના ટોળેટોળા એકત્ર થયા હતા. ડીસા નગરપાલિકાની ફાયર ટીમ પણ ઘટના સ્થળે આવી પાણીનો મારો ચલાવી આગને કાબુમાં લીધી હતી. મોડી રાત્રે આગ લાગી હોવાથી કોઈ જાનહાની થઈ ન હોવાનો પાલિકાના સૂત્રોએ જણાવ્યું હતું.

આ પણ વાંચો :પ્રમુખસ્વામી મહારાજ સેવાની ‘પરિભાષા’ હતાઃ સેવકો પણ તેમના રસ્તે