અમદાવાદ, 23 જાન્યુઆરી 2023, શહેરમાં માલેતુજાર નબીરાઓ દારૂ પીને અકસ્માત સર્જે તેવી અનેક ઘટનાઓ પ્રકાશમાં આવી છે. પરંતુ અકસ્માતની ઘટનાઓ રોકવા પોલીસ ખુદ સક્રિય થતી હોય ત્યારે ખુદ પોલીસ કર્મી એ જ નશો કરીને અકસ્માત સર્જ્યો છે. અમદાવાદના નવરંગપુરા વિસ્તારમાં સ્વસ્તિક ચાર રસ્તા પાસે એક હેડ કોન્સ્ટેબલે નશો કરીને ગાડી ચલાવી અકસ્માત સર્જ્યો હતો.
View this post on Instagram
ગાડીમાંથી દારૂની બોટલ પણ મળી આવી
પ્રાપ્ત વિગતો પ્રમાણે શહેરના નવરંગપુરા વિસ્તારમાં નશાની હાલતમાં એક પોલીસ કોન્સ્ટેબલે પુરપાટ ઝડપે ગાડી ચલાવીને અકસ્માત સર્જ્યો હતો. જે પોલીસ ડ્રીંક એન્ડ ડ્રાઈવના કેસ કરી રહી છે. તે જ પોલીસનો કર્મચારી નશાની હાલતમાં અક્માત સર્જતા લોકોમાં રોષ ફેલાયો છે. શહેરના નવરંગપુરામાં સ્વસ્તિક ચાર રસ્તા પાસે હેડ કોન્સ્ટેબલ અનિરુદ્ધસિંહ વાઘેલાએ અકસ્માત સર્જ્યો હતો. અકસ્માત બાદ સ્થાનિકોએ પોલીસ હેડ કોન્સ્ટેબલને પકડીને ટ્રાફિક પોલીસને સોંપ્યો હતો. તપાસ કરતા તેની ગાડીમાંથી દારૂની બોટલ પણ મળી આવી હતી.
ટ્રાફિક પોલીસે હેડ કોન્સ્ટેબલની અટકાયત કરી
હાલ તો હેડ કોન્સ્ટેબલ વિરૂદ્ધ બી ડિવિઝન વિભાગમાં ગુનો નોંધાયો હતો.ટ્રાફિક પોલીસે હેડ કોન્સ્ટેબલની અટકાયત કરી વધુ તપાસ હાથ ધરી હતી.નશાની હાલતમાં પોલીસ કોન્સ્ટેબલ દાદાગીરી પણ કરતો હોવાનું સ્થાનિકોએ પોલીસ અને મીડિયા સામે જણાવ્યું હતું. દારૂની બોટલ સાથે ઝડપાયા બાદ પણ પોલીસકર્મી રોફ જમાવતો હતો. લોકોને તેણે ધમકી આપી હતી કે તમારે જે કરવું હોય તે કરી લો. બી ડિવિઝન પોલીસે હેડ કોન્સ્ટેબલ અનિરૂદ્ધસિંહ વાઘેલાની અટકાયત કરી વધુ તપાસ હાથ ધરી હતી.
આ પણ વાંચોઃ અમદાવાદ: પોલીસ સ્ટેશનમાં ઘરઘાટીની નોંધણી કરાવી છતાં રૂ. 30.30 લાખ ચોરી કરી ફરાર
