અડાલજ પોલીસ સ્ટેશનમાં નગ્ન થઇ હંગામો કરનાર પીએસઆઈ વિરુદ્ધ ફરીયાદ દાખલ

• કારંજના પીએસઆઈએ આરોપીના બચાવવા માટે પોલીસ સ્ટેશનમાં નગ્ન થઈ કર્યો હંગામો
• કોન્સ્ટેબલને બદલીની ધમકી આપી, પોતાના માથા પર પેપરવેઈટ વડે કર્યો હુમલો
• અડાલજ પોલીસે ફરજમાં અડચણ ગુનો નોંધીને પીએસઆઈની ધરપકડ કરી

કારંજના પીએસઆઈ એક આરોપીના બચાવવા માટે અડાલજ પોલીસ સ્ટેશન ખાતે પહોંચ્યા હતા. જ્યા સ્થાનિક પોલીસે પીએસઆઈની ભલામણ ન સાંભળતા પીએસઆઈએ નગ્ન થઈને પોલીસ સ્ટશન બહાર હોબાળો કર્યો હતો. તેમજ આ પીએસાઈ આટલે ન અટકીને કોન્સ્ટેબલને બદલીની ધમકી આપી હતી. તેમજ પીએસઆઈએ પોતાની જાતે માથા પર પેપરવેઈટ વડે હુમલો કર્યો હતો. માટે પીએસઆઈ સામે અડાલજ પોલીસે ફરજમાં અડચણ ગુનો નોંધીને તેની ધરપકડ કરી છે.

આ પણ વાંચો : લુણાવાડા : આસારામની આરતી કરવી પડી ભારે, તમામની કચ્છ ખાતે બદલી

પીએસઆઈએ પોલીસ સ્ટેશનમાં નગ્ન થઈ કર્યો હંગામો 

આ ઘટનાને પગલે પોલીસ કમિશનર દ્વારા ડીસીપીને લેખિતમાં ખુલાસો આપવા જણાવ્યું છે. શહેરના કારંજ પોલિસ સ્ટેશનમાં ફરજ બજાવી રહેલા પીએસઆઈ હસમુયક પટેલ 16 દિવસ પહેલા અડાલજ પોલીસ સ્ટેશન ખાતે ગયા હતા. જ્યા તેમના મિત્ર વિરુદ્ધ નોધાયેલ પોલીસ ફરીયાદમાં આરોપી મિત્રને બચાવવા માટે ભલામણ કરી હતી. માટે હાજર કોન્સ્ટેબલે પીએસઆઈને આમ ન કરવા કહ્યુ હતુ. તેથી પીએસઆઈએ કોન્સ્ટેબલ સાથે ઉગ્ર બોલચાલ થઈ હતી. જેમાં તેમણે બિભત્સ શબ્દોનો પ્રયોગ કર્યો હતો. સાથે સાથે પેપરવેઈટ વડે પોતાના માથા પર પ્રહાર કર્યો હતો.

ફરજમાં અડચણનો ગુનો નોંધીને પીએસઆઈની ધરપકડ કરાઈ

આ સમગ્ર ઘટના અંગે પીઆઈને જા કરતા પીઆઈ ત્યા આવી પહોંચ્યા હતા. પીઆઈના આવવાથી ઉશ્કેરાઈને પીએસઆઈએ પોલીસ સ્ટેશનના કેમ્પસમાં જઈ ફરી ગાળો બોલવાનુ શરુ કર્યુ અને આટલે જ ન અટકીને આરોપીને બચાવવા માટે પીએસઆઈએ નગ્ન થઈને હોબાળો કર્યો હતો. આ ઘટનાને પગલે પોલીસકર્મીઓએ કંટાળીને પીએસઆઈને પકડીને ફરજમાં અડચણનો ગુનો નોંધી ધરપકડ કરી હતી.