અમદાવાદ, 4 ડિસેમ્બર 2023: શહેરમાં અકસ્માતોની ઘટનાઓ વધી રહી છે. ત્યારે આજે વહેલી સવારે વધુ એક અકસ્માતની ઘટના બની છે. ભીમસરા પાટીયા પાસે ટ્રક પાછળ કાર ઘૂસી જતાં ઘટના સ્થળે જ બે લોકોના મૃત્યુ થયાં છે. જ્યારે બે લોકોને સારવાર અર્થે હોસ્પિટલ ખસેડવામાં આવ્યાં છે.
કાર રોડ પર ઉભેલા ટ્રકની પાછળ ઘૂસી ગઈ
પ્રાપ્ત વિગતો પ્રમાણે ભીમસરા પાટીયા પાસે વહેલી સવારે એક કાર રોડ પર ઉભેલી ટ્રકની પાછળ ઘૂસી ગઈ હતી. આ અકસ્માતમાં બે લોકોના ઘટના સ્થળે જ મૃત્યુ થયાં હતાં અને બે લોકોને ગંભીર ઈજા થતાં સારવાર અર્થે હોસ્પિટલ ખસેડવામાં આવ્યા હતાં.
કરાઈ પાસે પણ કાર ચાલકે એક્ટિવાને અડફેટે લીધું
નાના ચિલોડા કરાઈ કટ પાસે શનિવારે રાતે પૂરપાટ ઝડપે આવી રહેલા એક ચાલકે અન્ય એક કાર અને એક્ટિવાચાલકને અડફેટે લીધા હતા, જેમાં એક્ટિવાચાલકને ગંભીર ઈજાઓ પહોંચી હતી, જ્યારે અન્ય કારચાલકને પણ ઈજા પહોંચી હતી. અકસ્માત કરનાર કારચાલક પોલીસકર્મી હતો તથા દારૂ પીધેલી હાલતમાં હતો, જેની સામે નરોડા પોલીસે અકસ્માતના ગુનામાં સાપરાધ મન્યુષ્યવધનો ગુનો નોંધ્યો છે.
આ પણ વાંચોઃ અમદાવાદની આ બેંકના 84 ગ્રાહકોના લાખો રૂપિયા સાઈબર ઠગે ઉડાવી લીધા
