T20 વર્લ્ડ કપ પહેલા મોહમ્મદ શમી સામે મોટો પડકાર, ઓસ્ટ્રેલિયા જતા પહેલા આપવો પડશે ફિટનેસ ટેસ્ટ
સ્ટાર ફાસ્ટ બોલર મોહમ્મદ શમી ટી-20 વર્લ્ડ કપમાં મુખ્ય ટીમનો દાવેદાર બની ગયો છે, કારણ કે ઝડપી બોલર જસપ્રીત બુમરાહ પીઠની ઈજાને કારણે આગામી ટુર્નામેન્ટમાંથી બહાર થઈ ગયો છે, તેથી ભારતીય ટીમ મેનેજમેન્ટ શમી પર દાવ લગાવવાનો પ્રયાસ કરી રહ્યું છે. , ઓસ્ટ્રેલિયા સામે તાજેતરમાં સમાપ્ત થયેલ શ્રેણી પહેલા, શમી કોવિડ પોઝિટિવ હોવાનું જાણવા મળ્યું હતું અને તે દક્ષિણ આફ્રિકા સામેની શ્રેણી સુધી સ્વસ્થ થઈ શક્યો ન હતો. સ્ટાર ભારતીય ઝડપી બોલર મોહમ્મદ શમી આ અઠવાડિયે બેંગલુરુમાં નેશનલ ક્રિકેટ એકેડમીમાં ફિટનેસ ટેસ્ટમાંથી પસાર થશે. જે બાદ તે ઓસ્ટ્રેલિયા જવાની ટીમમાં સામેલ થશે.
મોહમ્મદ શમી છેલ્લે 17 જુલાઈના રોજ ઓલ્ડ ટ્રેફોર્ડ ખાતે ઈંગ્લેન્ડ સામેની સ્પર્ધાત્મક મેચમાં જોવા મળ્યો હતો. ભારત માટે 17 મેચ રમી ચૂકેલ શમી વાયરસથી સાજો થઈ ગયો છે અને બોલિંગ પ્રેક્ટિસ કરતો જોવા મળ્યો હતો. થોડા દિવસો પહેલા તેણે ઈન્સ્ટાગ્રામ પર તેના ફાર્મહાઉસ પર બોલિંગ કરતી વખતે એક વીડિયો શેર કર્યો હતો. ભારતીય ટીમ શમીના વાપસી અંગે ઉતાવળ કરવા માંગતી નથી, તેથી તેને ફ્રેશ રાખવા માટે તેને સીધો ઓસ્ટ્રેલિયા મોકલવામાં આવી રહ્યો છે, જ્યાં તે પ્રેક્ટિસ મેચોમાં ચમકશે.
મીડિયા રિપોર્ટ્સ અનુસાર, ભારતીય ટીમ 6 ઓક્ટોબરે ઓસ્ટ્રેલિયા જવા રવાના થઈ રહી છે અને તે પહેલા શમીનો NCAમાં ફિટનેસ ટેસ્ટ થશે. જે બાદ તેના પર નિર્ણય લેવામાં આવશે કે તે જવા માટે યોગ્ય છે કે નહી. ઇનસાઇડસ્પોર્ટે બીસીસીઆઈના એક વરિષ્ઠ અધિકારીને ટાંકીને કહ્યું, “હા શમીની તબિયત સારી થઈ રહી છે. તેણે હળવી કસરતો કરવાનું શરૂ કરી દીધું છે. તેમને સંપૂર્ણ ફિટ થવા માટે સમયની જરૂર છે. તે આ અઠવાડિયે NCAને રિપોર્ટ કરશે. જે બાદ તેને મેડિકલ ટીમની મંજૂરી લેવી પડશે અને તે પછી તે ટીમનો ભાગ બની શકશે.
