પાલનપુર : ગોસ્વામી સમાજ ડીસા શહેર દ્વારા પ્રથમવાર ડે નાઈટ ક્રિકેટ ટુર્નામેન્ટનું કરવામાં આવ્યું આયોજન

• ગોસ્વામી સમાજ ડીસા શહેર દ્વારા પ્રથમવાર આયોજિત ડે નાઈટ ક્રિકેટ ટુર્નામેન્ટ, ઓમ માર્ટ ટીમ બની રનર્સ અપ
• ફાઈનલ મેચમાં રોકસ્ટાર દેવ પગલીની વિશેષ ઉપસ્થિતિ

પાલનપુર : ગોસ્વામી સમાજ ડીસા શહેર દ્વારા પ્રથમવાર ડે નાઈટ ક્રિકેટ ટુર્નામેન્ટનું આયોજન તારીખ 18 ડિસેમ્બર’૨૨ ને રવિવારના રોજ ડીસા સ્પોર્ટ્સ ક્લબના મેદાનમાં કરવામાં આવ્યું હતું. આ ટુર્નામેન્ટમાં અલગ અલગ વિસ્તારમાંથી ટીમોએ ભાગ લીધો હતો. જ્યારે ડીસાની ઓમ માર્ટ ઇલેવન અને પાટણની ભૈરવ ઇલેવન ટીમ વચ્ચે રવિવારે ફાઈનલ મેચ રમાઈ હતી. જેમાં ફાઇનલ મેચમાં પાટણની ભૈરવ ઇલેવન ટીમ વિજય બની હતી.

જ્યારે ડીસાની ઓમ માર્ટ ઇલેવન ક્રિકેટ ટીમ રનર્સ અપ બની હતી.જે ટીમને ઉપસ્થિત લોકોએ ટીમના ખેલાડીઓને અભિનંદન પાઠવ્યા હતા. અને રનર્સ અપ બનેલી ટીમના કેપ્ટનને ટ્રોફી એનાયત કરવામાં આવી હતી. આ પ્રસંગે રોક સ્ટાર દેવ પગલી મુખ્ય મહેમાન પદે હાજર રહ્યા હતા.

જ્યારે ગોસ્વામી સમાજ ડીસા શહેર દ્વારા પ્રથમ વાર યોજવામાં આવેલી આ સમગ્ર ક્રિકેટની ટુર્નામેન્ટમાં દાતાઓનું પણ વિશેષ યોગદાન રહ્યું હતું. જેમાં ગોસ્વામી પુરણભારથી વાઘભારથી, ગોસ્વામી નીલભારથી ભુરભારથી, ગોસ્વામી પ્રકાશપુરી હરીપુરી, ગોસ્વામી અશોક ભારથી અમરતભારથી, ગોસ્વામી ભીખાપુરી અમરતપુરી, ગોસ્વામી રૂપાભારથી ચમનભારથી અને ગોસ્વામી ભરતગીરી અમરતગીરીએ ટુર્નામેન્ટ માટે આર્થિક સહયોગ કર્યો હતો.

જ્યારે સમગ્ર ટુર્નામેન્ટના આયોજન પાછળ ગોસ્વામી મહેશપુરી ભીખાપુરી, ગોસ્વામી વિષ્ણુપુરી કૈલાશપુરી, ગોસ્વામી પ્રવીણપુરી કરશનપુરી, ગોસ્વામી ચેતનભારથી જીતેન્દ્રભારથી, ગોસ્વામી ભરતપુરી ભીખાપુરી, ગોસ્વામી જીતેન્દ્રગીરી પુનમગીરી અને ગોસ્વામી સત્યમપુરી પ્રવીણ પુરીએ સફળતાપૂર્વકનું આયોજન કર્યું હતું. આ ડે નાઈટ ક્રિકેટ ટુર્નામેન્ટમાં ક્રિકેટની રમતને માણવા માટે મોટી સંખ્યામાં દર્શકો સ્પોર્ટ્સ ક્લબના મેદાનમાં ઉમટ્યા હતા.

આ પણ વાંચો : પાલનપુર : ‘પઠાણ’ ફિલ્મ પ્રદર્શિત કરવા સામે થરાદમાં રોષ સાથે વિરોધ