અમેરિકાની ગુપ્તચર એજન્સી CIAના વડા વિલિયમ બર્ન્સે PM મોદીના વખાણ કર્યા છે. સીઆઈએ ચીફે કહ્યું કે યુક્રેન યુદ્ધ વચ્ચે પરમાણુ હથિયારોના ઉપયોગને લઈને વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગની ચિંતાની અસર રશિયા પર પડી છે. યુક્રેન સાથેના યુદ્ધમાં વ્યૂહાત્મક પરમાણુ શસ્ત્રોનો ઉપયોગ કરવાની રશિયાની યોજનાના કોઈ સ્પષ્ટ પુરાવા નથી. વિલિયમ બર્ન્સે એક ઈન્ટરવ્યુ દરમિયાન કહ્યું, “મને લાગે છે કે ભારતમાં શી જિનપિંગ અને વડાપ્રધાન મોદીએ પણ પરમાણુ હથિયારોના ઉપયોગને લઈને તેમની ચિંતાઓ વ્યક્ત કરી છે. મને લાગે છે કે તેની રશિયા માટે પણ અસર છે. તમને જણાવી દઈએ કે પુતિનની પરમાણુ હુમલાની ધમકી બાદ પીએમ મોદીએ તેમની સાથે વાત કરી હતી.
CIA ચીફે પીએમ મોદીના વખાણ કર્યા
બર્ન્સે આ માટે પીએમ મોદીના વખાણ કર્યા છે. તેમણે કહ્યું કે પુતિન સાથે પીએમ મોદીની વાતની અસર પડી છે. CIA ચીફે કહ્યું, “મને લાગે છે કે રશિયાના રાષ્ટ્રપતિ વ્લાદિમીર પુતિન દ્વારા પરમાણુ હથિયારોના ઉપયોગની વાત માત્ર ડરાવવા ખાતર હતી.” આ કારણે, રશિયાની માનવાધિકાર પરિષદની બેઠકમાં બોલતા, પુતિને કહ્યું હતું કે, મોસ્કો યુક્રેન સાથે વ્યવહાર કરવા માટે તેના તમામ ઉપલબ્ધ માધ્યમોથી લડશે.
પુતિને પરમાણુ હુમલાની ધમકી આપી હતી
પુતિને કહ્યું હતું કે પરમાણુ યુદ્ધનો ખતરો વધી રહ્યો છે. પુતિને કહ્યું હતું કે, “અત્યાર સુધી, રશિયાએ પરમાણુ હથિયારોના ઉપયોગ વિશે પહેલા વિચાર્યું નથી. કોઈપણ સંજોગોમાં, રશિયા પરમાણુ હથિયારોના ઉપયોગને ટાળશે, પરંતુ તેનો અર્થ એ ન લેવો જોઈએ કે તેનો ઉપયોગ બિલકુલ કરવામાં આવશે નહીં. પુતિને સ્પષ્ટ ચેતવણી આપી હતી કે જો રશિયાની સરહદ પર હુમલો થશે તો પરમાણુ યુદ્ધની શક્યતાને નકારી શકાય નહીં.
આ પણ વાંચો : ભારત-ચીન તણાવ વચ્ચે નોર્થ-ઈસ્ટમાં PM મોદીએ વિકાસ પરિયોજનાઓનું કર્યું ઉદ્ઘાટન
