‘The Broken News’:સોનાલી બેન્દ્રેનું છલકાયું દર્દ, જાણો-સર્જરી બાદ હતી કેવી હાલત?
સોનાલી બેન્દ્રે OTT પર ટૂંક સમયમાં એક વેબ સિરીઝ આવી રહી છે.. આ વેબ સિરીઝનું નામ છે ‘The Broken News’ સોનાલી આ સીરિઝમાં પત્રકારની ભૂમિકા ભજવશે. પછી અભિનય કરતી જોવા મળશે. સિરીઝનું શૂટિંગ શરૂ કરતા પહેલા અભિનેત્રીએ ફરી એકવાર કેન્સર સામેની તેની લડાઈ શેર કરી હતી.
કેન્સરની સર્જરી બાદ કેવી હતી હાલત?
સોનાલી બેન્દ્રેએ કહ્યું, ‘કેન્સરની સર્જરી પછી મારા શરીરમાં ઘણા ફેરફારો થયા અને મારા શરીર પર 23-24 ઈંચ લાંબા ઊંડા ઘાના નિશાન પણ હતા. ન્યૂયોર્કમાં સર્જરીના 24 કલાક પછી જ ડૉક્ટર્સ મને ઘરે મોકલવા માંગતા હતા. કારણ કે તેને ડર હતો કે મને કોઈ પ્રકારનો ચેપ લાગી શકે છે. એટલા માટે તેઓ વારંવાર મને હોસ્પિટલમાંથી રજા આપવા માટે કહી રહ્યા હતા.
બોલિવૂડ એક્ટ્રેસ સોનાલી બેન્દ્રે તેની શાનદાર એક્ટિંગ માટે જાણીતી છે. પરંતુ તે થોડા વર્ષોથી એક્ટિંગથી દૂર છે. વર્ષ 2018માં સોનાલીને હાઈ ગ્રેડ કેન્સર હોવાનું નિદાન થયું હતું. કેન્સર હોવાનું નિદાન થયા બાદ તરત જ તેની સારવાર શરૂ કરવામાં આવી હતી અને આ માટે તે ન્યૂયોર્ક ગઈ હતી. સોનાલી ઘણીવાર તેની કેન્સર સર્જરી વિશે અને તેણે પોતાને કેવી રીતે હિંમત આપી તે વિશે વાત કરે છે. એક્ટ્રેસે ફરી એકવાર સર્જરી વિશે પોતાનું દર્દ વ્યક્ત કર્યું છે અને જણાવ્યું છે કે સર્જરી પછી તેની સાથે શું થયું. રીસન્ટલી એક ઇન્ટરવ્યુમાં, 47 વર્ષીય અભિનેત્રીએ જણાવ્યું હતું કે કેન્સરની સારવારની પ્રક્રિયામાંથી પસાર થયા પછી તેણે ઘણું શીખ્યું છે. “જો તમે વસ્તુઓમાંથી શીખતા નથી તો તે ઉદાસી છે. તે તે ક્ષણ જેવી છે જે એકબીજાને યાદ કરાવે છે કે આ ધ્યેય નથી પરંતુ એક મહત્વપૂર્ણ પ્રક્રિયા છે.”
90ના દાયકાથી જાણીતી હિરોઈન સોનાલી બેન્દ્રે પોતાની એક્ટિંગના કારણે લોકોના દિલ પર રાજ કરતી હતી. પોતાના શાનદાર અભિનયથી બોલીવુડમાં તેણે આગવું સ્થાન ઉભું કર્યું હતું. પરંતુ, ત્યારબાદ સોનાલી કેન્સરની ઝપેટમાં આવી ત્યારે તેના જીવનમાં મોટો વળાંક આવ્યો. 2018માં, એક્ટ્રેસને ઉચ્ચ ગ્રેડ કેન્સરનું નિદાન થયું હતું. એ પછી, લાંબી સારવાર બાદ સોનાલી આજે સ્વસ્થ છે.
પત્રકારની ભૂમિકામાં પરત ફરશે
સોનાલી બેન્દ્રે આ ફિલ્મમાં પત્રકારની ભૂમિકા ભજવવા જઈ રહી છે. આ ફિલ્મ Zee5 પર રિલીઝ થશે. જેમાં જયદીપ અહલાવત, શ્રિયા પિલગાંવકર, ઈન્દ્રનીલ સેનગુપ્તા, તારુક રૈના, આકાશ ખુરાના, કિરણ કુમાર સહિત ઘણા સ્ટાર્સ જોવા મળશે. તેનું નિર્દેશન વિનય વૈકુલ કરી રહ્યા છે.
