સંયુક્ત રાષ્ટ્રએ ‘નમામિ ગંગે’ પ્રોજેક્ટની કરી પ્રશંસા : વિશ્વની 10 મોટી પહેલોમાં સામેલ
ભારત સરકારે વર્ષ 2014માં ‘નમામિ ગંગે’ પ્રોજેક્ટ શરૂ કર્યો હતો. કારણ કે જળવાયુ પરિવર્તન, વસ્તી વૃદ્ધિ, પ્રદૂષણમાં વધારો, ઔદ્યોગિકીકરણ અને સિંચાઈ જેવા કારણોના લીધે ગંગાને નોંધપાત્ર નુકસાન થતું હતું, તેથી ભારત સરકારના જલ શક્તિ મંત્રાલય દ્વારા આ પ્રોજેક્ટ હાથ ધરવામાં આવ્યો હતો. આ પ્રોજેક્ટની તાજેતરમાં જ સંયુક્ત રાષ્ટ્રએ પ્રશંસા કરી છે, જેની જાણકારી ‘નમામિ ગંગે’ના ઓફિશિયલ ટ્વિટર પર કરવામાં આવી છે.
આ પણ વાંચો : ઈમરાન ખાન પર હુમલો કરનાર આરોપી વધુ 10 દિવસ કસ્ટડીમાં
Such a proud moment for us and the country!#NamamiGange wins the coveted position in the first 10 UN World Restoration Flagship. The announcement was made at UN CBD #COP15montreal, #Canada.#WonIndia#GenerationRestoration pic.twitter.com/4HkibA2aOP
— Namami Gange (@cleanganganmcg) December 13, 2022
વિશ્વના ટોપ 10 ગ્રાઉન્ડબ્રેકિંગ પ્રયાસોમાં નમામિ ગંગે પ્રોજેક્ટને સ્થાન મળ્યુ
પવિત્ર નદી ગંગાને સાફ કરવા માટે 2014માં ભારત સરકાર દ્વારા શરૂ કરાયેલ ‘નમામિ ગંગે’ પ્રોજેક્ટ આજે પણ વિશ્વમાં ધૂમ મચાવી રહ્યો છે. સંયુક્ત રાષ્ટ્રએ તાજેતરમાં પ્રાકૃતિક વિશ્વને પુનઃસ્થાપિત કરવાના 10 ગ્રાઉન્ડબ્રેકિંગ પ્રયાસોમાં નમામિ ગંગે પ્રોજેક્ટને સ્થાન આપ્યુ છે. સંયુક્ત રાષ્ટ્ર જૈવવિવિધતા પરિષદ (COP15) દરમિયાન આ અહેવાલ બહાર પાડવામાં આવ્યો છે, ઉપરાંત ‘નમામિ ગંગે’ના ઓફિશિયલ ટ્વિટર પર પણ આ ઉપલબ્ધિની જાણ કરવામાં આવી છે.
Such a proud moment for #NewIndia !#NamamiGange wins the coveted position in the first 10 UN World Restoration Flagship.#WonIndia pic.twitter.com/ULQ3c4D4mh
— MyGovIndia (@mygovindia) December 14, 2022
કેમ શરુ કરાયો ‘નમામિ ગંગે’ પ્રોજેક્ટ ?
ઉલ્લેખનીય છે કે, હવામાન પરિવર્તન, વસ્તી વૃદ્ધિ, પ્રદૂષણમાં વધારો, ઔદ્યોગિકીકરણ અને સિંચાઈના કારણે હિમાલયથી બંગાળની ખાડી સુધી 2,525 કિલોમીટર સુધી ફેલાયેલા ગંગા ક્ષેત્રને નોંધપાત્ર નુકસાન થતું હતુ, તેથી ભારત સરકારે વર્ષ 2014માં ‘નમામિ ગંગે’ પ્રોજેક્ટ શરૂ કર્યો હતો અને સંયુક્ત રાષ્ટ્રની માન્યતા મળ્યા પછી, નમામિ ગંગે પ્રોજેક્ટને ગંગા નદીના સંરક્ષણ અને તેની જૈવવિવિધતાને બચાવવા માટે સમર્થિત પ્રમોશન, કન્સલ્ટન્સી અને દાન પણ મળતુ હતુ.
