ઇન્ટરનેશનલ ડેસ્કઃ દુનિયામાં ઘણી એવી જગ્યાઓ છે, જે ઘણી રહસ્યમય છે. કેટલાક રહસ્યો પર સંશોધન ચાલી રહ્યું છે તો કેટલાક રહસ્યો હજુ પણ વણઉકેલાયેલા કોયડાઓ છે. આ જગ્યાઓ પર આવી અજીબોગરીબ ઘટનાઓ બને છે, જેના વિશે લોકો સમજી શકતા નથી. એવી જ એક જગ્યા છે જ્યાં જન્મ પછી તરત જ બાળકોની આંખો જતી રહે છે, એટલે કે તેઓ અંધ બની જાય છે. ખાસ વાત એ છે કે, આવું માત્ર માણસોના બાળકો સાથે જ નહીં પરંતુ પ્રાણીઓના બાળકો સાથે પણ થાય છે. આ જગ્યા મેક્સિકોમાં છે. અહીંના એક ગામમાં મનુષ્યથી લઈને પ્રાણી સુધીના બાળકોના જન્મ પછી તેઓ અંધ બની જાય છે. તમે પણ આ રહસ્યમય ગામ વિશે જાણીને ચોંકી જશો.
મેક્સિકોના આ ગામમાં બાળકોનો જન્મ થાય છે. પરંતુ જન્મના થોડા દિવસો બાદ તેમની આંખોની રોશની જતી રહે છે. આ ગામને અંધજનોનું ગામ પણ કહેવામાં આવે છે. આ અજીબોગરીબ રોગ કે શ્રાપને કારણે આ ગામ પ્રખ્યાત થઈ ગયું છે. આ ગામ વિશે જે પણ આવે છે તે દંગ રહી જાય છે.
મેક્સિકોમાં તિલ્ટેપક નામનું ગામ આવેલું છે. જે લોકો માટે કોઈ રહસ્યથી ઓછું નથી. તેનું કારણ છે બાળકોની દૃષ્ટિ ગુમાવવી. અંધજનોના ગામ તરીકે ઓળખાતા આ ગામમાં મનુષ્યથી લઈને પશુઓ અંધ છે. દુનિયાનું આ એકમાત્ર ગામ છે, જ્યાં માત્ર અંધ લોકો જ રહે છે. આ ગામમાં ઝાપોટેક જનજાતિના લોકો રહે છે. જ્યારે અહીં જન્મે છે, ત્યારે બાળકની આંખો સારી હોય છે, પરંતુ સમય જતાં તેનો પ્રકાશ ગુમાવી બેસે છે. આ રીતે ગામમાં રહેતા તમામ લોકો અંધ છે. આમાં માત્ર માણસો જ નહીં, પ્રાણીઓના બાળકો પણ સામેલ છે.
આ કારણોસર આંખોની રોશની જતી રહે છે
ગ્રામજનોનું માનવું છે કે, તેમની આંખોની રોશની ગુમાવવાનું કારણ આ વિસ્તારના વૃક્ષો છે. ગામલોકો આ વૃક્ષને તેમના અંધત્વનું કારણ માને છે. સ્થાનિક લોકોનું માનવું છે કે ગામમાં એક શ્રાપિત વૃક્ષ છે. આ વૃક્ષ આ ગામમાં વર્ષોથી હયાત છે. લોકો આ વૃક્ષને શ્રાપ ફેલાવવાનું કારણ માને છે. તેઓ કહે છે કે, આ ઝાડને જોતા જ લોકો અંધ થઈ જાય છે. જો કે કેટલાક લોકો આ વાતને માત્ર અંધશ્રદ્ધા માને છે અને કહે છે કે તેની પાછળ કોઈ વૈજ્ઞાનિક કારણ હોવું જોઈએ, જે તેઓ જાણતા નથી.
શું કહે છે નિષ્ણાતો?
જાણકારોનું માનીએ તો આ ગામમાં ઝેરી માખી મોટી સંખ્યામાં જોવા મળે છે. આ માખી લોકોને કરડે છે અને તેનાથી તેઓ અંધ બની જાય છે.
જ્યારે મેક્સિકન સરકારને આ ગામ વિશે જાણ થઈ ત્યારે તેઓએ ગ્રામવાસીઓને મદદ કરવાનો પ્રયાસ કર્યો, પરંતુ તમામ પ્રયત્નો નિરર્થક રહ્યા. સરકારે લોકોને અન્ય જગ્યાએ સ્થાયી કરવાનો પ્રયાસ કર્યો હતો પરંતુ તેમના શરીર અન્ય વાતાવરણને અનુકૂળ આવ્યા નહીં. આ જ કારણ છે કે સરકારે ગ્રામજનોને પોતાની જ હાલત પર છોડવા પડ્યા.
