સુશાંત સિંહ રાજપૂત પછી કોના પ્રેમમાં પડી રિયા ચક્રવર્તી !

બોલિવૂડ અભિનેત્રી રિયા ચક્રવર્તી ફરી એકવાર ચર્ચામાં આવી છે. અભિનેત્રીનું આ વખતે લાઈમલાઈટમાં આવવાનું કારણ કોઈ ફિલ્મ કે વિવાદ નથી. હા, હકીકતમાં સુશાંત સિંહ રાજપૂત બાદ રિયાના જીવનમાં ફરી એકવાર નવો પ્રેમ આવ્યો છે. મીડિયા રિપોર્ટ્સ અનુસાર, અભિનેત્રી સીમા સજદેહના ભાઈ બંટી સજદેહને ડેટ કરી રહી છે. 2020 માં સુશાંત સિંહ રાજપૂતના મૃત્યુ પછી, રિયા ચક્રવર્તી વિવાદોમાં ફસાઈ ગઈ.

રિયા ચક્રવર્તીને નવો પ્રેમ મળ્યો

મીડિયા રિપોર્ટ્સ અનુસાર, રિયા ચક્રવર્તી બંટીને ડેટ કરી રહી છે. બંને પોતાના સંબંધોને ખાનગી રાખવા માંગે છે. તેમના એક નજીકના મિત્રએ દાવો કર્યો છે કે- ‘તેમને એકસાથે ખુશ જોઈને ખૂબ આનંદ થયો. છેલ્લા કેટલાક વર્ષોમાં રિયાએ ગણી સમસ્યાઓનો સામનો કર્યો છે, બંટી હંમેશા તેની સપોર્ટ સિસ્ટમ રહી છે.

આ પણ વાંચો : હવે SRK નો પુત્ર પણ કરશે બોલિવુડમાં એન્ટ્રી, પોસ્ટ શેર કરી આપી જાણકારી

જ્યારે રિયા ઘણી મુશ્કેલીઓમાં હતી, ત્યારે બંટીએ રિયાને પૂરો સાથ આપ્યો હતો. મીડિયા રિપોર્ટમાં કહેવામાં આવ્યું છે કે, જ્યારે સુશાંતના મૃત્યુના સંબંધમાં રિયાની પૂછપરછ કરવામાં આવી રહી હતી ત્યારે તે બંટીના ક્લાયન્ટમાંથી એક હતી.

કોણ છે બંટી

બંટીનું નામ તમે પહેલા સાંભળ્યું છે ? હા, સાંભળ્યું જ હશે. તમને જણાવી દઈએ કે બંટી સજદેહ કોર્નરસ્ટોન સ્પોર્ટના MD અને CEO છે. એજન્સી વિરાટ કોહલી, રોહિત શર્મા અને શિખર ધવન સહિત રમત જગતના કેટલાક મોટા નામોની માહિતી અને પીઆર સંભાળે છે.