કેપ્ટન રોહિત શર્મા ફિલ્ડિંગ દરમિયાન ઈજાગ્રસ્ત, સ્કેન માટે મેદાનની બહાર
ભારતીય ટીમ આજે બાંગ્લાદેશ સામે તેની બીજી વનડે મેચ રમી રહી છે. આ ‘કરો યા મરો’ મેચમાં ટીમ માટે પહેલાથી જ ખરાબ સમાચાર આવી ચૂક્યા છે. ભારતીય ટીમનો કેપ્ટન રોહિત શર્મા ઈજાગ્રસ્ત થતાં મેદાનની બહાર ગયો છે. ફિલ્ડિંગ કરતી વખતે તેને અંગૂઠામાં ઈજા થઈ છે. રોહિત શર્મા ઈજાગ્રસ્ત થઈને મેદાનની બહાર થઈ ગયો છે. BCCIની મેડિકલ ટીમે તેનું મૂલ્યાંકન કર્યું અને હવે તેને સ્કેન માટે જવું પડશે.
Update: India Captain Rohit Sharma suffered a blow to his thumb while fielding in the 2nd ODI. The BCCI Medical Team assessed him. He has now gone for scans. pic.twitter.com/LHysrbDiKw
— BCCI (@BCCI) December 7, 2022
સ્લિપમાં કરી રહ્યો હતો ફિલ્ડિંગ
જ્યારે રોહિત શર્માને આ ઈજા થઈ ત્યારે તે ત્રીજી સ્લિપ પર ઊભો રહીને ફિલ્ડિંગ કરી રહ્યો હતો. રોહિત શર્મા એક બોલ પર મોહમ્મદ સિરાજના હાથે કેચ આઉટ થયો હતો, જે દરમિયાન બોલ તેના અંગૂઠામાં વાગ્યો હતો. હવે જોવાનું એ રહેશે કે તે બેટિંગ માટે મેદાન પર કમબેક કરશે કે નહીં.
pic.twitter.com/RHXNQdFk6y रोहित शर्मा हुए चोटिल #BANvIND #INDvsBangladesh #crickettwitter #RohitSharma????
— Rajat Gupta (@Rajatgupta199) December 7, 2022
ટોસ હારી ટીમ
આ મેચમાં ભારતીય ટીમ ટોસ હારી ગઈ છે. બાંગ્લાદેશે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય ટીમ માટે આ મેચ ઘણી મહત્વની રહેશે. આ મેચ જીતીને ટીમ ઈન્ડિયા શ્રેણી 1-1થી પોતાના નામે કરવા ઈચ્છશે. બીજી તરફ બાંગ્લાદેશ આ મેચ જીતીને શ્રેણી પોતાના નામે કરવાનો પ્રયાસ કરશે.
ઉલ્લેખનીય છે કે, બાંગ્લાદેશે છેલ્લી મેચમાં 1 વિકેટથી શાનદાર જીત મેળવી હતી. તે મેચમાં મેહદી હસને 39 બોલમાં 38 રનની ઈનિંગ રમીને પોતાની ટીમને જીત અપાવી હતી. આ શાનદાર ઇનિંગ માટે તેને ‘મેન ઓફ ધ મેચ’ પણ આપવામાં આવ્યો હતો.
બીજી મેચમાં બંને ટીમોના પ્લેઈંગ ઈલેવન
ભારતીય ટીમ– રોહિત શર્મા (કેપ્ટન), શિખર ધવન, વિરાટ કોહલી, શ્રેયસ ઐયર, કેએલ રાહુલ (વિકેટકીપર), વોશિંગ્ટન સુંદર, અક્ષર પટેલ, શાર્દુલ ઠાકુર, દીપક ચાહર, મોહમ્મદ સિરાજ, ઉમરાન મલિક.
બાંગ્લાદેશ – નજમુલ હુસેન શાંતો, લિટન દાસ (કેપ્ટન), અનામુલ હક, શાકિબ અલ હસન, મુશફિકુર રહીમ (વિકેટકીપર), મહમુદુલ્લાહ, અફીફ હુસૈન, મેહદી હસન મિરાજ, નસુમ અહેમદ, ઇબાદત હુસૈન, મુસ્તફિઝુર રહેમાન.
