BCCIએ કર્યો મોટો ફેરફાર, ઋષીકેશ કાનિટકરને મહિલા ક્રિકેટ ટીમના નવા બેટિંગ કોચ બનાવ્યા
ભારતીય ક્રિકેટ કંટ્રોલ બોર્ડે ભારતીય મહિલા ક્રિકેટ ટીમના કોચિંગ સ્ટાફમાં મોટો ફેરફાર કર્યો છે. વાસ્તવમાં, બોર્ડે ભૂતપૂર્વ ભારતીય ક્રિકેટર હૃષિકેશ કાનિટકરને ભારતીય મહિલા ક્રિકેટ ટીમના નવા બેટિંગ કોચ તરીકે નિયુક્ત કર્યા છે. તે ઓસ્ટ્રેલિયા સામેની આગામી 5 મેચની ઘરેલુ T20I શ્રેણી પહેલા ટીમ સાથે જોડાશે.
???? NEWS ????: Hrishikesh Kanitkar appointed as Batting Coach – Team India (Senior Women), Ramesh Powar to join NCA
More Details ????https://t.co/u3Agagamdd
— BCCI (@BCCI) December 6, 2022
કાનિટકર નવા બેટિંગ કોચ બન્યા
ઓસ્ટ્રેલિયા સામે ભારતની આગામી 5 મેચની T20 શ્રેણી પહેલા BCCIએ આ મોટો ફેરફાર કર્યો છે. ઋષિકેશ કાનિટકર આ શ્રેણી પહેલા ભારતીય મહિલા ક્રિકેટ ટીમ સાથે જોડાશે. બીસીસીઆઈના આ નિર્ણય બાદ ઋષિકેશે કહ્યું કે, ‘બેટિંગ કોચ તરીકે વરિષ્ઠ મહિલા ક્રિકેટ ટીમ સાથે જોડાવું મારા માટે સન્માનની વાત છે. મને આ ટીમમાં જબરદસ્ત ક્ષમતા દેખાય છે. અમારી મહિલા ટીમમાં યુવા અને અનુભવનું સારું મિશ્રણ છે. અમારી ટીમ આગામી પડકાર માટે સંપૂર્ણ રીતે તૈયાર છે. આગળ કેટલીક મોટી ટુર્નામેન્ટ આવવાની છે. આ ટીમ સાથે બેટિંગ કોચ તરીકેની મારી સફર રોમાંચક રહેવાની છે.
રમેશ પવારને NCAમાં મોકલ્યા
તે જ સમયે, BCCIએ ભારતીય મહિલા ક્રિકેટ ટીમના મુખ્ય કોચ રમેશ પવારને NCAમાં મોકલ્યા છે. બીસીસીઆઈના આ નિર્ણય બાદ રમેશ પવારે કહ્યું કે, ‘વરિષ્ઠ મહિલા ટીમના મુખ્ય કોચ તરીકે મારો અનુભવ અદ્ભુત હતો. તાજેતરના ભૂતકાળમાં, મેં દેશના ઘણા દિગ્ગજ અને યુવા ઉભરતા ખેલાડીઓ સાથે કામ કર્યું છે. NCAમાં મારી નવી ભૂમિકા સાથે, હું મારા વર્ષોના અનુભવને આગળ વધારવા માંગુ છું. બેન્ચ સ્ટ્રેન્થના વિકાસ માટે VVS લક્ષ્મણ સાથે કામ કરવા માટે ખૂબ જ ઉત્સાહિત છું.
તમને જણાવી દઈએ કે રમેશ પવાર ભારતીય મહિલા ટીમના પ્રથમ મુખ્ય કોચ હતા. જો કે, ઓસ્ટ્રેલિયા સામેની આગામી ટી20 શ્રેણી પહેલા, બીસીસીઆઈએ મોટા ફેરફારમાં તેને એનસીએમાં મોકલ્યો છે. તે જ સમયે, ઋષિકેશ કાનિટકરને મહિલા ટીમના નવા બેટિંગ કોચ તરીકે નિયુક્ત કરવામાં આવ્યા છે.
આ પણ વાંચો : Ind vs Ban 2nd ODI: મેચ પહેલા જ ટીમ ઈન્ડિયાને લાગ્યો ઝટકો, આ પ્લેયર થશે ટીમની બાહર
