મતદાન મારી ફરજઃ કયા મતદાન મથક પરથી તમે વોટિંગ કરી શકશો જાણવા ફોલો કરો આ આસાન સ્ટેપ્સ

ગાંધીનગરઃ મતદાન ગુજરાતમાં આવતીકાલે પ્રથમ તબક્કાનું મતદાન છે. કચ્છ-સૌરાષ્ટ્ર અને દક્ષિણ ગુજરાતની 89 બેઠકો પર યોજાનારા આ મતદાનમાં 788 ઉમેદવારો પોતાનું નસીબ અજમાવી રહ્યા છે. સવારે 8 વાગ્યાથી સાંજે 5 વાગ્યા સુધી 25,393 મતદાન મથકો પર વોટિંગ થશે. જોકે ઘણીવાર મતદાતાઓને વોટર સ્લીપ ન મળવાના કારણે તેઓ વોટ આપવા ક્યાં જવું તેને લઈને મૂંઝવણમાં મૂકાતા હોય છે. ત્યારે આવા મતદારો સીધા જ ચૂંટણી પંચની વેબસાઈટ પર જઈને તેમની વોટર સ્લીપ મેળવી શકે છે.

વાંચોઃપ્રથમ તબક્કામાં આ કદાવર નેતાઓના રાજકીય ભાવિ દાંવ પર, કઈ કઈ બેઠક છે ખાસ

વોટર સ્લીપ કેવી રીતે અને ક્યાંથી ડાઉનલોડ કરવી?

• સૌથી પહેલા https://electoralsearch.in/ વેબસાઈટ પર જાઓ.
• અહીં તમે બે રીતે તમારી વોટર સ્લીપને ડાઉનલોડ કરી શકો છે.
• પહેલા વિકલ્પમાં તમે તમારા નામ, ઉંમર, તથા મતવિસ્તાર સહિતની વિગતો ભરીને વોટર સ્લીપ મેળવી શકશો
• બીજા વિકલ્પમાં તમારા વોટર આઈ-કાર્ડ પરનો એપિક નંબર દાખલ કરીને પણ સર્ચ કરી શકો છો.
• આ બંને રીત દ્વારા મતદાર તેમનો વિધાનસભા વિસ્તાર, તેમનો બુથ નંબર, ક્રમ, બુથનું સરનામું તથા તેમની વોટર સ્લીપને ઓનલાઈન જોઈ શકે છે.

ઉલ્લેખનીય છે કે, આવતીકાલે 1લી ડિસેમ્બરે રાજ્યમાંથી 1.24 કરોડથી વધુ પુરુષ મતદારો અને 1.15 કરોડથી વધુ મહિલા મતદારો લોકશાહીના સૌથી મોટા પર્વમાં તેમના મતાધિકારનો ઉપયોગ કરશે. 25 હજારથી વધુ મતદાન મથકો પર 2.39 કરોડ જેટલા મતદારો સવારે 8 વાગ્યાથી સાંજે 5 વાગ્યા સુધી મતદાન કરી શકશે.