રિચા ચઢ્ઢાના ગલવાન ટ્વીટ પર વિવાદ યથાવત્, હવે આ ફિલ્મમેકરે કરી ટીકા
બોલિવૂડની ફેમસ એક્ટ્રેસ રિચા ચઢ્ઢાનું ગલવાન ખીણ મામલામાં ટ્વીટ કરવાનો વિવાદ હજુ પણ અટકવાનું નામ લઈ રહ્યો નથી. રિચાના આ નિવેદનને કારણે એક નવા વિવાદે જન્મ લીધો છે, ત્યારબાદ બોલીવુડના તમામ સહકર્મીઓ પણ અભિનેત્રીના ટ્વીટને લઈ તેની ટીકા કરી રહ્યા છે. ભારતીય સેનાના અધિકારીના નિવેદન પર ટિપ્પણી કરવા બદલ લોકો રિચા ચઢ્ઢા પર ગુસ્સે થયા હતા. એટલું જ નહીં ‘ધ કાશ્મીર ફાઇલ્સ’ફેઈમ ડિરેક્ટર વિવેક અગ્નિહોત્રીએ રિચા ચઢ્ઢા પર પણ નિશાન સાધ્યું છે.
I am not surprised at all with this behaviour. They genuinely feel anti-India. Dil ki baat jubaan pe aa hi jaati hai.
And then they ask why people want to #BoycottBollywood #Shame pic.twitter.com/Y9GgOxDUjs— Vivek Ranjan Agnihotri (@vivekagnihotri) November 24, 2022
વિવેક અગ્નિહોત્રીએ શું કહ્યું ?
વધી રહેલા વિવાદને જોતા રિચા ચઢ્ઢાએ ગલવાન વેલી મુદ્દે પોતાનું ટ્વીટ તરત જ ડિલીટ કરી દીધું હતું. જો કે આ પછી અભિનેત્રીએ માફી પણ માંગી હતી, પરંતુ ત્યાં સુધીમાં ઘણું મોડું થઈ ગયું હતું અને સોશિયલ મીડિયા પર રિચા ચઢ્ઢાની ટીકાઓ શરૂ થઈ ગઈ હતી. જેના કારણે રિચા ચઢ્ઢાને જોરદાર ટ્રોલ કરવામાં આવી રહી છે. આ દરમિયાન હવે ‘ધ કાશ્મીર ફાઇલ્સ’ના ડિરેક્ટર વિવેક અગ્નિહોત્રીએ પણ રિચા ચઢ્ઢા પર આકરા પ્રહારો કર્યા છે.
વિવેકે તેના ઓફિશિયલ ટ્વિટર હેન્ડલ પર ટ્વિટ કર્યું અને લખ્યું- ‘મને આનાથી બિલકુલ આશ્ચર્ય નથી થયું, તેણે તે જ લખ્યું જે તેના દિલમાં હતું અને દિલ કી વાત હોઠો પર આવી. તેના પરથી ખરેખર એવું અનુભવાય છે કે તે ભારત વિરોધી છે. આ પછી તેઓ પૂછે છે કે લોકો બોલિવૂડનો બહિષ્કાર કેમ કરવા માગે છે. આ રીતે રિચા ચઢ્ઢાના ટ્વીટ પર વિવેગ અગ્નિહોત્રીએ પોતાની પ્રતિક્રિયા આપી છે.
પહેલા આ ફિલ્મ સ્ટાર્સે કરી હતી ટીકા
ગલવાન ખીણના ગંભીર મુદ્દા પર ભારતીય સૈન્ય અધિકારીના ટ્વિટ પર ‘હાય ગલવાન’ લખનાર રિચા ચઢ્ઢા માટે મુશ્કેલીઓ વધી રહી છે. લોકોની સાથે સાથે બોલિવૂડ ઈન્ડસ્ટ્રીના તમામ ફિલ્મ સ્ટાર્સ પણ રિચા ચઢ્ઢાની વિરુદ્ધ થઈ ગયા છે. ‘ધ કાશ્મીર ફાઇલ્સ’ના ડિરેક્ટર વિવેક અગ્નિહોત્રી પહેલા હિન્દી સિનેમાના સુપરસ્ટાર અક્ષય કુમાર, અનુપમ ખેર, કેકે મેનન અને ફિલ્મ નિર્માતા અશોક પંડિતે રિચા ચઢ્ઢાના નિવેદનની ટીકા કરી છે.
