પાલનપુર : ડીસામાં મોદી સમાજની વાડી ખાતે અખંડ ગરબા ધુનની જામી રમઝટ

પાલનપુર : ડીસા શહેરમાં મોદી સમાજની બહેનો દ્વારા આનંદના ગરબા મંડળો બનાવીને લોકોને માં બહુચરની શ્રધ્ધા તેમજ આસ્થા વધારવામાં જે કોઈ ભક્તો તેમના ઘરે બોલાવે તેમના ત્યાં આનંદનો ગરબો કરી ભક્તિમય વાતાવરણ બનાવે છે. જેમાં ડીસા શહેરમાં છેલ્લા ૧૪ 14 વર્ષથી શ્રી સિધ્ધેશ્વરી આનંદ ગરબા મંડળ પૂર્ણ કરીને 15 માં વર્ષમાં પ્રવેશ નિમિત્તે મોદી સમાજની વાડી ખાતે તા: 20 નવેમ્બર 2022 ને રવિવારે સવારથી સાંજે 7 વાગ્યા સુધી અખંડ ગરબા ધુન રમઝટ બોલાવી હતી.

આ અખંડ ગરબા ધુનમાં સુરેન્દ્રનગર, ભાવનગર, આણંદ, પેટલાદ, ધાંગધ્રા, વાસદ, કલોલ, પાલનપુર, પાટણ, વડોદરાના તેમજ ડીસાના તમામ ગરબા મંડળો દ્વારા આખો દિવસ અખંડ ગરબા ધુનમાં સૌ કોઈ ભકિતની ગંગામાં સ્નાન કરી અને પવિત્ર થાઓ તેવી ભાવના સાથે સિધ્ધેશ્વરી આનંદ ગરબા મંડળના ગીતાબેન મોદીએ ડીસાના લોકોને લાભ આપ્યો હતો.

આ પણ વાંચો : ગુજરાતની રાજનીતિમાં “OTP” સટ્ટો રમાયો, જાણો કયા પક્ષને થશે ફાયદો