કોંગ્રેસ છેલ્લી ઘડીએ આ બેઠક પરથી ઉમેદવાર જ બદલી કાઢ્યો

કોંગ્રેસમાં ઉમેદવારોની પસંદગી પ્રક્રિયા પૂર્ણ થવાનું નામ જ નથી લઈ રહી. એક પછી એક નવા વિવાદો સામે આવી રહ્યા છે. હજી ગઈકાલે જ કોંગ્રેસે બાકી રહેલી 37 બેઠકો પર પોતાના ઉમેદવારની જાહેરાત કરી હતી તેમ છતાં અંતિમ ઘડીએ ફોર્મ ભરવાના અંતિમ દિવસે કોંગ્રેસમાં ઉલટફેર જોવા મળ્યો અને હાલોલ બેઠક પરથી ઉમેદવાર બદલવામાં આવ્યા છે.

ફોર્મ ભરવાના અંતિમ દિવસે કોંગ્રેસે હાલોલ બેઠક પરથી ઉમેદવારની જાહેરાત કર્યાના એક દિવસ પછી બદલી નાખ્યા છે. કોંગ્રેસે હાલોલ બેઠક પરથી અનિશ બારિયાને મેન્ડેટ આપ્યુ છે અને ફોર્મ ભરવા જણાવ્યુ છે. આ પહેલા કોંગ્રેસે હાલોલથી રાજેન્દ્ર પટેલને ટિકિટ આપી હતી. રાજેન્દ્ર પટેલે ગોધરાથી ચૂંટણી લડવાની ઇચ્છા દર્શાવી હતી અને હાલોલથી ચૂંટણી લડવાનો ઇનકાર કર્યો છે.

આ પણ વાંચો : પંચમહાલ: 5 બેઠક પર જોરદાર છે કાર્યકરોની બુથ મેનેજમેન્ટની કામગીરી, જાણો કેવી રીતે

પંચમહાલની હાલોલ બેઠક પર ભાજપે જયદ્રથસિંહ પરમારને ફરી ટિકિટ આપી છે જ્યારે આમ આદમી પાર્ટી તરફથી ભરત રાઠવા મેદાનમાં છે. ત્યારે કોંગ્રેસ દ્વારા અંતિમ ઘડીએ પોતાનો નિર્ણય બદલ્યો છે.