થિયેટરોમાં સમંથાનો જાદુ, ‘Yashoda’એ ચોથા દિવસે કરી આટલા કરોડની કમાણી
સાઉથ ફિલ્મોની સ્ટાર સમંથા રૂથ પ્રભુની ફિલ્મ ‘Yashoda‘ થિયેટરોમાં શાનદાર કામ કરી રહી છે. સરોગસી કૌભાંડ પર આધારિત ‘Yashoda’ને દર્શકો તરફથી સારો રિસ્પોન્સ મળી રહ્યો છે. રિલીઝના ચોથા દિવસે ફિલ્મે બોક્સ ઓફિસ પર શાનદાર કમાણી કરી છે. આ ફિલ્મ શરૂઆતના સપ્તાહના અંતે 10 કરોડ રૂપિયાથી વધુની કમાણી કરવામાં સફળ રહી છે.
સમંથાનો જાદુ સિનેમા હોલમાં ફરી કામ કરી રહ્યો છે. ‘Yashoda’ ભારતમાં જ નહીં વિદેશમાં પણ સારી કમાણી કરી રહી છે. અહેવાલો અનુસાર, ફિલ્મે યુએસમાં તેના પ્રથમ સપ્તાહના અંતે 3 કરોડથી વધુની કમાણી કરી છે. બીજી તરફ, ભારતમાં ‘Yashoda’ના ચોથા દિવસના કલેક્શનની વાત કરીએ તો, સોમવાર, 14 નવેમ્બરે, ફિલ્મે ભારતમાં 1.35-1.45 કરોડ રૂપિયાનું કલેક્શન કર્યું હતું. આ સાથે હવે ફિલ્મનું કુલ કલેક્શન 12 કરોડ રૂપિયાની આસપાસ થઈ ગયું છે. ઉપરાંત, ‘યશોદા’ આ સપ્તાહના અંતે યુકે બોક્સ ઓફિસ પર નંબર 1 ભારતીય ફિલ્મ રહી.
#Yashoda's Indomitable Will gets Unstoppable Love Abroad????
It's among the Top Grossers in USA (This Week) with $445K Gross????
Book Now▶️ https://t.co/rapPt5X6ne@Samanthaprabhu2 @varusarath5 @Iamunnimukundan @harishankaroffi @hareeshnarayan @krishnasivalenk @SrideviMovieOff pic.twitter.com/cuKDX9qFZT
— Ramesh Bala (@rameshlaus) November 14, 2022
સમંથા રૂથ પ્રભુની ફિલ્મે સારી શરૂઆત કરી અને પહેલા દિવસે 3.06 કરોડની કમાણી કરી. ફિલ્મે શનિવારે રૂ. 3.64 કરોડ સાથે થોડો વધારો જોવા મળ્યો હતો. બીજી તરફ અહેવાલો અનુસાર રવિવાર સુધી ત્રીજા દિવસે ફિલ્મ 3.50 કરોડનો બિઝનેસ કરવામાં સફળ રહી છે. આ સાથે ફિલ્મનું કુલ કલેક્શન 10.20 કરોડ રૂપિયા થઈ ગયું છે. આ ફિલ્મ તમિલ, તેલુગુ, મલયાલમ, કન્નડ અને હિન્દી સહિત પાંચ ભાષાઓમાં રિલીઝ થનારી મહિલા સ્ટાર અભિનીત પ્રથમ પૈન ઈન્ડિયા ફિલ્મ પણ છે.
શું છે ફિલ્મની સ્ટોરી ?
આ ફિલ્મમાં, સમંથા એક સરોગેટ માતાની ભૂમિકા ભજવી રહી છે જે તબીબી ક્ષેત્રે ચાલી રહેલા એક મોટા કૌભાંડનો પર્દાફાશ કરે છે. સમંથાનું પાત્ર સૌથી પહેલા ‘ઈવા’ નામની કંપનીમાં એન્ટ્રી લે છે, આ કંપની સરોગસી દ્વારા લોકોને માતા-પિતા બનવામાં મદદ કરે છે. જો કે આ સમગ્ર પ્રક્રિયામાં કંપનીમાં અનેક ગંભીર ગુનાઓ અને કૌભાંડો ચાલી રહ્યા છે.
ફિલ્મમાં સમંથા ઉપરાંત વરલક્ષ્મી સરથકુમાર, ઉન્ની મુકુંદન, રાવ રમેશ, મુરલી શર્મા, સંપત રાજ, શત્રુ, મધુરિમા, દિવ્યા શ્રીપદા જેવા કલાકારોએ મહત્વની ભૂમિકા ભજવી છે. હરિ અને હરીશ દ્વારા નિર્દેશિત, ‘યશોદા’ શ્રીદેવી મૂવીઝના બેનર હેઠળ બની છે. તેને શિવલેંકા કૃષ્ણ પ્રસાદ દ્વારા પ્રોડ્યુસ કરવામાં આવી છે.
